Русский  >>  فارسی  >>  Душанбе 5 декабр 2016, 03:16

Эмомалӣ Раҳмон бо Чин 10 созишномаи нав мебандад

17 май 2013, 08:55

Имрӯз, 17-уми май, Эмомалӣ Раҳмон, раисиҷумҳури Тоҷикистон бо сафари расмӣ озими Шоҳигарии Таиланд ва Ҷумҳурии Мардумии Чин шуд.

Тибқи иттилои дафтари матбуотии раисиҷумҳур Эмомалӣ Раҳмон нахуст аз Таиланд боздиди расмӣ анҷом медиҳад ва бо подшоҳи Таиланд Рама 9 Пумипон Адулядет, сарвазири ин кишвар Йинглак Шинаватра ва раиси Сенати Парлумони Шоҳигарии Тайиланд мулоқот мекунад. Дар назар аст, ки ҷонибҳо як зумра санадҳои нави ҳамкорӣ, аз ҷумла созишномаи байниҳукуматӣ оид ба канорагирӣ аз андозбандии дукарата ва пешгирӣ намудани саркашӣ аз супоридани андозҳо аз даромад ва сармоя ба имзо расонанд.

Ба иттилои дафтари матбуот Эмомалӣ Раҳмон, ҳамчунин дар Форуми дувуми об барои кишварҳои минтақаи Осиё ва Уқёнуси Ором дар мавзӯи “Амнияти вобаста ба об ва таҳдидҳои офатҳои табиии марбут бо об” иштирок ва суханронӣ карда, бо чанде аз иштирокдорони ин ҳамоиш мулоқотҳои дуҷониба анҷом медиҳад: “Вохӯриҳои дуҷониба, аз ҷумла бо Президенти Бонки Осиёии Рушд Такехико Накао ва Ёвари Дабири кулли СММ, Котиби иҷроияи Комиссияи масъалаҳои иқтисодӣ ва иҷтимоии ин созмон барои Осиё ва Уқёнуси Ором Ноэлин Ҳайзер дар назар аст.”

Дар доираи сафараш ба Чин Эмомалӣ Раҳмон бо раиси ин давлат Си Ҷинпин, Раиси Кумитаи доимии Маҷлиси Умумичинии намояндагони мардумӣ Чжан Дэҷян, Муовини якуми Сарвазири Шӯрои давлатии Чин Чжан Гаоли, Раиси Шӯрои мудирони Бонки давлатии рушди Чин Ху Хвэйбан, Президенти Бонки содироту воридоти Чин Ли Жео Гу ва Губернатори музофоти Хэнан Се Фучжан мулоқотҳо анҷом хоҳад дод.

Дар Чин интизор меравад, ки беш аз 10 санади нави ҳамкорӣ миёни ду кишвар ба имзо расад. Дар миёни онҳо Эъломияи муштарак оид ба барқарор намудани муносибатҳои шарикии стратегии Тоҷикистону Чин, созишномаи байниҳукуматӣ доир ба ҳамкории иқтисодӣ-техникӣ ва санадҳои дигар доир ба ҳамкорӣ дар соҳаҳои энергетика, кишоварзӣ, бонкдорӣ, сайёҳӣ ва маблағгузории лоиҳаҳои нави зербиноӣ хоҳанд буд.

Тибқи иттилои дафтари матбуот дар ин сафар президентро вазири корҳои хориҷӣ Ҳамрохон Зарифӣ, мушовири давлатии президенти Тоҷикистон оид ба сиёсати хориҷӣ Эркин Раҳматуллоев, вазири молия Сафаралӣ Наҷмиддинов, вазири энергетика ва саноат Гул Шералӣ ва дигар шахсони расмӣ ҳамроҳӣ мекунанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!