Русский  >>  فارسی  >>  Душанбе 5 декабр 2016, 07:20

11 маҳаллаи Бадахшони Афғонистон зери назорати Толибон гузашт

17 май 2013, 10:05

Мақомоти музофоти Бадахшони Афғонистон аз ҳузури нерӯҳои ошубгар ба минтақаи Вардуҷ изҳори нигаронӣ кардаанд. Гуфта мешавад, феълан 11 маҳаллаи он зери назорати Толибон аст.

Давлатмуҳаммад Ховар, раҳбари Вардуҷ гуфтааст, ҳоло дар минтақа ҳудуди 300 ҷангии мусаллаҳ қарор дорад, ки бештари онҳо аз музофотҳои ҳамсоя ба Вардуҷ омадаанд.
Чанде қабл Шоҳвалӣ Адиб, волии музофоти Бадахшон мақомоти иктишофии Покистонро дар талоши таъсиси «платсдарм»-и Толибон дар минтақа муттаҳам кард.

Бино ба иттилои расонаҳо, Толибон дар Бадахшон, ки дар гузашта яке аз вилоятҳои амни Афғонистон маҳсуб мешуд, баҳори имсол фаъол шуданд. Дар пайи як амалиёти густурдаи мақмот ҳудуди 100 ҷангӣ кушта шуд, аммо ҳоло аз ҳузури дигарбораи онҳо дар Вардуҷ хабар мерасад.

Оғози моҳи март дар қаламрави Вардуҷ 20 низомии артиши миллии Афғонистон рабуда шуд. 16 нафари онҳо кушта шуданд ва танҳо дар пайи музокирот мақомот тавонистанд, чор нафарро раҳо кунанд.

Қаблан, мақомоти вилояти Бадахшони Афғонистон аз ҳузури теъдоди зиёди зархаридони хориҷӣ дар Вардуҷ хабар доданд. Гуфта мешуд, бештари онҳо аз кишварҳи Осиёи Миёна ва Қафқози Шимолӣ омадаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!