Русский  >>  فارسی  >>  Сешанбе 25 апрел 2017, 17:17

ИМА боз 12 чархболи Русияро барои Афғонистон мехарад

18 май 2013, 12:34

ИМА бо ширкати «Рособоронэкспорт»-и Русия барои интиқоли 12 чархболи дигар ба Афғонистон қарордод баст. Дар ин бора Григорий Козлов, раҳбари департаменти содирот ва хизматрасонии чархболҳои «Рособоронэкспорт» иттилоъ додааст.

Расонаҳои русӣ мегӯянд, вазорати дифои Амрико аллакай ба пардохти маблағи созишнома шурӯъ кардааст.

Соли 2011 «Рособоронэкспорт» ва Пентагон шартномаеро имзо карданд, ки тибқи он Русия уҳдадор шуд, ба Афғонистон 21 чархболи навъи Ми-17В5 интиқол диҳад. Хизматрасонии фаннии чархболҳо ва интиқоли қисмҳои зарурии онҳо низ яке аз бандҳои асосии шартнома буд. Ҳамчунин, ин қарордод эҳтимоли харидории 12 чархболи иловагиро дар назар дошт.

Интиқоли 21 чархбол бо муваффақият анҷом ёфт. 12 чархболи дигар бояд давоми соли 2013 расонда шавад. Қаблан як гуруҳ аз конгрессменҳои ИМА талаб карданд, ки Амрико бояд аз харидории чархболҳои Русия даст бикашад, зеро ба қавли онҳо Маскав ба Сурия силоҳу аслиҳа интиқол медиҳад.

Аммо гуфта мешавад, интиқоли ин чархболҳо амри ногузир аст, зеро халабонҳои афғон маҳз идораи чархболҳои Русияро омӯхтаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!