Русский  >>  فارسی  >>  Якшанбе 11 декабр 2016, 03:22

Зайд Саидовро барои бозпурсӣ ба Оҷонсии фасод бурдаанд

19 май 2013, 08:54

Зайд Саидов, соҳибкори шинохта ва роҳбари гуруҳи ташаббускори таъсиси ҳизби “Тоҷикистони нав” имшаб, 19-уми май, зимни бозгашт аз шаҳри Пориси Фаронса аз фурудгоҳи шаҳри Душанбе ба Оҷонсии фасод барои бозпурсӣ оварда шудааст. Кормандони Оҷонсии зидди фасоди Тоҷикистон Саидовро зимни фаромаданаш аз тайёра гирифта, бе он, ки ба касе аз пешвозгирандагон нишон диҳанд ба бинои Оҷонсӣ дар шаҳри Душанбе интиқол додаанд.

Баъдан Зайд Саидов худаш дар тамоси телефонӣ бо пайвандонаш таъйид кардааст, ки айни ҳол дар бинои Оҷонсии фасод қарор дорад ва аз онҳо даъват намудааст, ки хавотир нашаванд.

Масъулини Оҷонсии фасод дар суҳбат бо пайвандону атрофиёни Саидов, ки айни ҳол дар назди бинои оҷонсӣ ҷамъ шудаанд, изҳор доштаанд, ки ин боздошт набуда, танҳо бозпурсист. Бо вуҷуд ҳатто ба вакили дифоъ, Исҳоқ Табаров ҳам иҷозат надодаанд, ки бо Саидов мулоқот кунад.

Қаблан Оҷонсии фасод ширкати Зайд Саидов, “Тоҷсохтмон-байналмилал”-ро дар изофанависӣ зимни сохтумони бинои “Душанбе-Плаза” ва азхудкунии моли дигарон дар ҳаҷми калон муттаҳам карда, изҳор дошт, ки аз рӯи ин ҳодиса парвандаи ҷиноятӣ кушода шудааст.

Аммо баъдан масъулини Оҷонсии назорати молиявӣ ва мубориза бо коррупсияи Тоҷикистон ташреҳ доданд, ки “Аз натиҷаи санҷиш дар ширкати “Тоҷсохтмон байналмилал” барои азонихудкунии молу мулки ғайр ба миқдори махсусан калон ва сохтакории ҳуҷҷатҳои муҳосибӣ парвандаи ҷиноятӣ оғоз карда шудааст. Вале он нисбати Зайд Саидов ягон хел дахл надорад.Барои камбудиҳои ошкоршуда на муассис, ки Хайруло, писари Зайд Саидов мебошад, балки роҳбарияти ширкат бояд ҷавоб гӯяд.”

Ин парванда дар расонаҳо давоми маъракаи густурдаи мақомот алайҳи Зайд Саидов арзёбӣ шуд, ки баъди эълон дар бораи таъсиси ҳизби “Тоҷикистони нав” роҳандозӣ гардид. Инчунин додситонӣ Саидовро дар серзанагӣ муттаҳам карда буд.

Бисёре аз коршиносон ин иттиҳомотро сохта ва супоришӣ унвон карда, ба талошҳои Саидов барои таъсиси ҳизб ва дахолат ба сиёсат марбут медонанд.

Зайд Саидов, моҳи апрели соли равон аз нияташ барои таъсиси ҳизби “Тоҷикистони нав” иттилоъ дода, таъкид намуд, ки самти асосии фаъолияташ беҳбуди вазъи иҷтимоию иқтисодии кишвар хоҳад буд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!