Русский  >>  فارسی  >>  Душанбе 5 декабр 2016, 03:19

Эмомалӣ Раҳмон аз Пекин бо садҳо миллион $ бармегардад

20 май 2013, 09:24

Эмомалӣ Раҳмон, президенти Тоҷикистон, рӯзи 19-уми май аз Таиланд ба шаҳри Пекини Чин рафта, бо роҳбарони як қатор ширкатҳои маъруфи ин кишвар мулоқот намуд ва онҳоро розӣ кунондааст, ки ба иқтисодиёти кишвар садҳо миллион доллар сармоягузорӣ намоянд.

Тавре Хадамоти матбуотии президенти Тоҷикистон иттилоъ дод, Эмомалӣ Раҳмон дар мулоқот бо Хуан Ҷянжун, роҳбари ширкати Чайна глобал ва Ван Хайтао, президенти Иттиҳодияи саноати кӯҳӣ, густариши истеҳсолот дар ширкати муштараки кӯҳкории Зарнисор ва ташкили ҳамкорӣ дар дигар конҳои кишварро баррасӣ намуд.

Дар ин вохӯрӣ зикр гардидааст, ки ширкати Чайна глобал тасмим дорад, дар марҳилаи якуми бунёд ва рушди ширкати муштараки “Зарнисор” беш аз 250 миллион доллари амрикоӣ сармоягузорӣ карда, ҳамчунин дар шаҳри Истиқлол (собиқ Табошар) як комбинати бузурги металлургӣ бунёд намояд.

Гуфта шудааст, ки шумораи коргарони ин ширкат аз Тоҷикистон бояд ба 2-3 ҳазор нафар расонда шавад.
Эмомалӣ Раҳмон ба ин ширкатҳо тавсия додааст, ки барои дастрасӣ ба конҳои нави Тоҷикистон дар озмунҳои байналмилалӣ иштирок намоянд, зеро ҳоло ин кор танҳо тавассути чунин озмунҳо имконпазир аст.

Хадамоти матбуоти раисиҷумҳур мегӯяд, Эмомалӣ Раҳмон зимни ин сафари худ ҳамчунин бо президенти ширкати кӯҳкории Зиҷин, Чэн Ҷин Хэ мулоқот карда, доир ба афзоиши истихроҷ ва коркарди саноатии тилло дар корхонаи муштараки Зарафшон гуфтугӯй намудааст: “Ин ширкат тайи 6 соли кор дар кони Зарафашон дар ин ҷо беш 210 миллион доллари амрикоӣ сармоягузорӣ намуда, ба буҷети кишвар 22 миллион доллари амрикоӣ андоз супурдааст. То имрӯз истеҳсоли солонаи тилло ба 1 тонна ва шумораи коргарон ба 2 ҳазор нафар расонда шудааст. Тибқи нақшаҳои мавҷуда то солҳои 2014-2015 истеҳсоли тилло ба 4-5 тонна ва шумораи коргарон бояд ба 3 ҳазор нафар расонда шавад”.
Тибқи талабу дархости ҷониби Тоҷикистон ин ширкат бояд як корхонаи коркарди мис дар кишвар бунёд намояд.

Дар мулоқот бо Го Жэнсян, роҳбари ширкати Дунин доир ба сармоягузорӣ ва рушди масоили вобаста ба сохтмони корхонаи коркарди нафт дар ҷануби Тоҷикистон баррасӣ шудааст: “Ин корхона дар солҳои наздик бояд бо иқтидори солонаи коркарди 1 миллиону 200 ҳазор тонна нафт сохта шавад. Дар марҳилаи аввали он то 500 нафар шаҳрвандони Тоҷикистон дар ин ҷо бо кор таъмин хоҳанд шуд”.

Ширкати мазкур фаъолияти худро дар ҳамкорӣ бо Корпоратсияи миллии нафтии Чин ташкил хоҳад кард.
Айни ҳол сафари кории раисиҷумҳур ба Пекин давом дорад ва дар назар аст, ки маҷмӯан зимни ин мулоқот 10 созишномаи нав ба имзо расанд.



Шарҳи худро бинависед:

Ном:*
E-Mail:
Матни шарҳ:
Посух додан
  • ПЕНДЖИКЕНТ

  • 20 май 2013 13:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
РАХМАТИ КАЛОН БА президенти Тоҷикистон Эмомалӣ Раҳмон КИ ИН КАДАР ЗАХМАТ МЕКАШАНД МО СОКИНОНИ ШАХРИ ПАНЧАКЕНТ МИНАТДОРИИ ХУДРО МЕРАСОНЕМ БИГЗОР ХАМРОХИ МО БОШАНД
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамааш дуруг!!! Пештар дар замони фаъолияти англисхо то 7000 одам сохиби чои кор буд дар СП Зарафшон, имруз аз 1000 зиёд нест ва кисмати афзали он хитоихо. Хамаи маблаггузории хитоихо хеч гох аз 10млн зиёд буда наметавонад, маълумот ба пурраги дуруг аст. 5-6 мошини хитоии кухкани ва боркашон харгиз 1 млн нарх хам надоранд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ба панчакенти
Хурсанд нашавед, ой бародар аз 32 млн. талбидаги на ба шумо ва на ба вилоятатон 1 дирам хам намересад. Аммо карзхои беруна боз хам аз 2 млрд. ва 250 млн. доллар зиёдтар хохад шуд. Ин карзхо дар хакикат насиби шумо мешаванд. Ана барои ин хурсанди кунед.
То имруз дар таи зиёда аз 20 соли давлатдории режими Рахмон ягон бор дар ВАО, матбуот ва телевизиону радио хисоботи дакик оид ба харочоти ин карзхои беруни маколае ё хабаре чоп нашудааст. Ин кор ба ки даркор аст? Пас агар адолатпарасти ва адолатхохи дар ин режим вучуд медошт, барои шафофияти ин масъалаи сарнавиштсози миллат бояд хамагуна ахборот дастрас ва озод бошад. Аммо ба тавре ки медонед....... Ва ба кисахои ки афтодани ин маблагхо хам ба хамагон маълум аст, аммо хама мисли ба дахон об гирифтаги, хапанд. То кая бошад?!
Посух додан
  • беном

  • 20 май 2013 18:10
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Карз гирифтантосон баъд чихел бамегардонем мумкин боз бартер.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Худо дар тори сарамон заддддд!!!!!
Бозам қарздор шидем.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!