Русский  >>  فارسی  >>  Шанбе 29 апрел 2017, 22:35

Рафсанҷонӣ ва Машшоӣ аз мубориза барои курсии раёсатҷумҳурӣ маҳрум шуданд

22 май 2013, 11:11

Али Акбар Вилоятӣ, Ғуломалӣ Ҳаддоди Одил, Муҳсин Ризоӣ, Ҳасан Руҳонӣ, Муҳаммадризо Ориф, Муҳаммад Ғаразӣ ва Муҳаммад Боқир Қолибоф барои курсии раёсатҷумҳурӣ дар Эрон талош хоҳанд кард.

Бино ба хабарҳои расида, исми ду нафар аз муддаиёни калидӣ -- Ҳошимии Рафсанҷонӣ ва Исфандиёр Раҳими Машшоӣ дар феҳрасти пешниҳодкардаи Вазорати умури дохилӣ нест.

Тибқи муқаррароти Ҷумҳурии исломии Эрон муддаиёни курсии раёсатҷумҳурӣ танҳо баъди таъйиди салоҳият аз сӯйи Шӯрои нигаҳбон ҳаққи номзад шуданро дарёфт мекунанд.

Ҳошимии Рафсанҷонӣ, яке аз бунёдгузорони Ҷумҳурии исломии Эрон мебошад, ки нафари ба Оятуллоҳ Руҳуллоҳ Хумайнӣ наздик гуфта мешавад. Исфандиёр Раҳими Машшоӣ, ки ҳамчунин салоҳияташ рад шуд, аз чеҳраҳои наздик ба Маҳмуди Аҳмадинажод, райисҷумҳури феълии Эрон ба шумор меравад.

Интихоботи раёсатҷумҳурӣ дар Эрон 14-уми июни соли 2013 баргузор мешавад. Маҳмуди Аҳмадинажод, ки ду давраи раёсатҷумҳуриро паси сар кард, ҳаққи пешниҳоди номзадияшро надорад.

Ин 11-умин интихоботи президентӣ дар Эрон буда, мардуми дорои ҳаққи райъ ҳафтумин райисҷумҳурро интихоб хоҳанд кард.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!