Русский  >>  فارسی  >>  Чоршанбе 7 декабр 2016, 19:20

“Save the Children” аз Тоҷикистон узр хостааст

22 май 2013, 12:31

Вилиям Линч, сарвари намояндагии созмони “Save the Children International” дар Душанбе аз Вазорати тандурустии Тоҷикистон узрхоҳӣ намудааст.

Шералӣ Раҳматуллоев, сардори Раёсати хизматрасониҳои тиббӣ ба модарону кӯдакони Вазорати тандурустӣ дар суҳбат ба “Озодагон” гуфт, расонаҳо оморҳои Ташкилоти умумиҷаҳонии тандурустиро гирифта аз номи “Save the Children International” ба чоп расонидаанд, ки боиси нигаронӣ шудааст: “Save the Children International” гуфтааст ба муқоисаи вазъи фавти модарону кӯдакон машғул нест. Танҳо як маҷаллаи ин созмон арқоми Созмони ҷаҳонии тандурустиро ба нашр расондааст ва расонаҳо ин оморро бознашр карда, аз номи “Save the Children International” додаанд.”

“Save the Children International” барои он, ки номи Тоҷикистон бо такя ба ин созмон манфӣ матраҳ шудааст, узр хостааст.
Аввали моҳи май расонаҳо хабар доданд, ки “Save the Children International” гузорише бо номи “Зинда мондан дар рӯзи аввал”-ро нашр кардааст, ки дар он Туркманистон ва Қазоқистон дар миёни кишварҳои Осиёи Марказӣ беҳтарин макон барои таваллуд муаррифӣ шудаанд.

Дар радабандии ин созмон ин ду кишвар миёни 176 давлати дунё, ба тартиб дар мақоми 99 ва 65-ум қарор гирифтаанд. Ин дар ҳолест, ки дар ин феҳрист номи Қирғизистон дар мақоми 104, Узбакистон 105 ва Тоҷикистон 124-ум ҷой дода шудаанд.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!