Русский  >>  فارسی  >>  Душанбе 5 декабр 2016, 13:32

Темур Варқӣ ба гуруҳи ташаббускорони Тоҷикистони нав пайваст

22 май 2013, 17:19

Темур Варқӣ, адиб ва шоири русзабони Тоҷикистон, 22-юми май расман ба гурӯҳи ташаббускори таъсиси ҳизби Тоҷикистони нав пайвастааст.

Маҳмудҷон Қосимов, муовини раҳбари гурӯҳи ташаббускор дар сӯҳбат ба «Озодагон» гуфт, ҷаноби Варқӣ барои ворид шудан ба гурӯҳ муроҷиат кардааст ва гуруҳ хоҳиши ин адиби шинохтаро пазируфт: "Темур Варқӣ бо муроҷиати худ аз шакли мубориза бо ҷонибдорони таъсиси ҳизби «Тоҷикистони нав» изҳори нигаронӣ карда ва ворид шудан ба ин гурӯҳро вазифаи қарзии инсонӣ ва шаҳрвандии худ унвон намуд».

Темур Варқӣ ҳамзамон гуфтааст, дар чунин лаҳзаҳои вазнин бояд бо ҷонибдорони ин гурӯҳ бошад ва ҳар коре аз дасташ меояд, барои расман таъсис ёфтани ин ҳизб анҷом хоҳад дод. Инчунин давоми ду рӯзи ахир Ғуломиддин Сайфиддинов, энергетики тоҷик, Ҳоҷимуҳаммад Умаров, доктори иқтисод ва Барзу Абдураззоқов, коргардони маъруфи театр расман эълон карданд, ки ба гуруҳи ташаббускори “Тоҷикистони нав” пайвастаанд.

Аз ташаббускорони қаблӣ ҳозир дар ин гуруҳ, роҳбари гуруҳ, соҳибкори боздоштшуда, вазири пешини саноати Тоҷикистон, Зайд Саидов, Абдуғанӣ Маҳмадазимов, раиси Анҷумани сиёсатшиносони Тоҷикистон, Маҳмудҷон Қосимов, ҳуқуқшинос ва Мавҷуда Соҳибназарова боқӣ мондаанд.

Ин гуруҳ аввали моҳи апрел аз таъсиси ҳизби “Тоҷикистони нав” хабар дода, ба аксуламали шадиди мақомот рӯ ба рӯ шудааст.

Дар пайи аксуламалҳо ва боздошти роҳбари ин гуруҳ давоми ду рӯз аз ташаббуси таъсиси ҳизб 5 нафар даст кашиданд. Аз ҷумла рӯзи 21-уми май, Шавкат Бозоров, раиси Анҷумани менеҷерони миллӣ, Сангинбой Сангинов, узви академияи илмҳои кишоварзӣ ва Бахтиёр Баҳодуров, коршиноси мустақил аз ин гуруҳ хориҷ шудаанд. Аз ин қаблтар Абдураҳим Алиев, собиқ раиси ноҳияи Шоҳмансур ва Ҷамшед Ҳафизов, муовини раҳбари ширкати «Тоҷсохтмон байналмиллал» низ аз гуруҳи ташаббускори “Тоҷикистони нав” хориҷ гардиданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Иброхим

  • 22 май 2013 18:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОФАРИН ТЕМУР!!! ДАР ВАЗЪИЯТИ САНГИН СИФАТИ АСИЛИ ХАР ЯК ИНСОН МУАЯН МЕГАРДАД...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ихтиёри содикона муборак, муборак. Новобаста аз фишору тазйиқ ва буҳтонну номардӣ ба сафи ин ҳизби мардуми муборизони воқеӣ пайваст ҳоҳанд шуд ва идеяи асосгузори Тҳҷикистони нав Зайд Саидов амалӣ ҳоҳад шуд ва пирузи бо шумост..
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Гумонам хар кас хукуки озодона ба интихоби аъзогии ин ё он хизбро дорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахсоне, ки дар аввал барои ташкил кардани ин хизб якчо буданд ва акнун баромаданд ва ё аз он тарсиданд, ки бекор мемонанд ё аз унвонхояшон бенасиб мегарданд ин аз руи адолат нест, ки рохбарашонро тухмати бар дуруг карда дар холати фишор аст партоянд. Вале рахмат кунад гузаштагони мухтарам Темурро ки дар хамин холат хам тарафдори мекунад.
Посух додан
  • Хакталаб

  • 22 май 2013 23:23
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Зихи Темур! Як бори дигар амалан нишон доди, ки зиёи будан ин дар душвортарин лахза карори часуронаву дуруст кабул кардан аст. Кошки миллат мисли ту фарзандони вокеан зиёии бештар медошт...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эхааааа! Ин чи гап! Боз хамон шоирону сиёсатбозихои солхои 90-ум огоз шудаастеее! Дар илм исбот шудааст, ки сиёсатбози эхсоси (филологхо деее) хама вакт фиребхурдаанд! Кучо шуд дигар масъалагузорихои хизби Точикистони нав, аз асли максад фарсаххо дур шуда бурафтед...

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!