Русский  >>  فارسی  >>  Шанбе 3 декабр 2016, 20:35

Шоҳиди марги Ҳамза Икромзода: "Ӯ фарёд мекард, командир, маро назанед"

23 май 2013, 10:33

Бозпурсии шоҳидон дар робита ба марги Ҳамза Икромзода дар боздошгоҳи муваққатии Сарраёсати ислоҳии Вазорати адлияи Тоҷикистон рӯзи 22-юми май низ идома кард.

Амиралӣ Икромзода, бародари Ҳамза, дар сӯҳбат бо “Озодагон” гуфт, дар ин мурофиа ду маҳбус дар бораи марги бародараш шоҳидӣ додаанд. Давлатёр Қурбонов, маҳбуси зиндони Душанбе, дар бораи марги Ҳамза Икромзода шоҳидӣ дода афзудааст, бо чашми худ дида, ки чигуна Ҳамзаро латту кӯб мекарданд. Вай гуфтааст, "ман садои ӯро мешунидам, командир назанед гуфта, доду вой мекард.”

Амиралӣ Икромзода гуфт, маҳбуси дигар -- Шералӣ Зикруллоев низ дар бораи марги бародараш шоҳидӣ додааст. Вай гуфтааст, “рӯзе, ки Икромзодаро куштанд, худи ҳамон рӯз ману Рафаэлро низ хуб латту кӯб карда буданд.”

Бародари Ҳамза мегӯяд, “аз раисикунандаи парванда талаб карда будем, се шоҳиди аслии марги Ҳамза, ки алъон дар зиндони Хуҷанд нигоҳ дошта мешаванд, барои шоҳидӣ додан ба мурофиа даъват карда шавад. Аммо дирӯз ба мо маълум шуд, қозии додгоҳ ин дархости моро рад кардааст. Мо аз нав пешниҳод кардем, то шоҳидони аслии марги Ҳамза ҳатман ба мурофиа даъват карда шаванд ва мурофиа на дар СИЗО, балки дар толори суди ноҳияи Исмоили Сомонӣ ё ин ки дар ҷойи дигар кушода гузаронда шавад. Агар дархости мо ба инобат гирифта шавад, мо дар мурофиа ширкат мекунем, агар не, мо аз шумо даст мекашем.”

Ҳамза Икромзода моҳи сентябри соли 2012 дар зиндони рақами аввали шаҳри Душанбе ба таври мармуз ба ҳалокат расид. Волидонаш мегӯянд, ӯ аз сӯи бархе аз маъмурони зиндон кушта шудааст, вале мақомот онро танҳо худкушӣ медонанд. Бо ин ҳол, Додситонии кулли Тоҷикистон санҷиши ин қазияро ба анҷом нарасонда ва хулосаи худро дар бораи марги Ҳамза Икромзода низ баён надоштааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Беном

  • 23 май 2013 13:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин масъала бо хазорхо далел бояд норафшан монад!! Чун ки 9 мох аз ин ходиса сипари мешаваду чизи аник руйпуш шуда истодааст Худованд ба пайвандони эщог сабри чамл дихад
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Zur guftan dar kishvari mo, yak chizi oddi shudaast! 20 foizi jomeea az "zuron" iborat ast, digar 80 foizi digar az "hitmatgor". Baroi on ki Konun nest va kase konunro rioya namekunad!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Salom man amedonam in hama mardum dar radio ozodi va dar injo menavisand ano nadorad chi foidae mekunad mardum fikri khudashonro menavisand vale az dastashon hej kore bar nameoyad pas in baroi chi ast,ki roh boz mekuned,ki mardum navisand farz kardem navistan bad chi? khulosa in,ki bar padari in hukumati zolim lanat bar padari mlisa mardum lanat Khudo nestu nobudashon bigardonad in dushmanoyashro in dayushoro inho dushmani Khudo hastand musalmon nestand tamomi odamho medonand,ki inho musalmon nestan chun chiguna dili inon meshavad,ki kasero ba badtarin shakl bikushi in musalmon ast,ki rahm mekunad inho,ki musalmon nestand,ki rahm ba hejkas nameknand bubned,ki shohidoni margi hamzari chiguna azobu shikanja dorand izzatullo sharipov meguyad,ki shikanjae vujud nadorad oy padbakht pas charo kasero ijoza nametiyed,ki yakbor az holi hamonho khabar girnd,ki chi hol dored na ruznmanigoronro memoned,ki daroyand na advokathoro hejkas az holi onho khabar nadorand khudaton az holashon khabar dored,ki meguyed onho holashon khubast vale shumoro hejkas bovar namekunad izzatullo sharipov meguyad boyad az Khudo tarsand in gaphoro naguyand,ki dat zindon shikanja ast oy hayvoni malun tu az in kalima istifoda mekuni to in,ki murdum bidonand,ki tu khudat az Khudo metarsi vale fikr nakun,ki in gapi durugi turo kase namedonad

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!