Русский  >>  فارسی  >>  Сешанбе 6 декабр 2016, 10:44

Натиҷаҳои нишасти 38-уми Шӯрои мудирони БИР

23 май 2013, 12:01

Вохӯрии 38-уми Шўрои мудирони Бонки исломии рушд дар шаҳри Душанбе, рӯзи 22-юми май, бо қарор дар бораи се маротиба зиёд намудани сармояи оинномавии ин бонк анҷом ёфт.

Тавре аз Кумитаи сармоягузорӣ ва идораи амволи давлатӣ ба «Озодагон» иттилоъ доданд, дар ин нишаст Шӯрои мудирони бонки мазкур дар бораи се баробар, яъне аз ҳаҷми қаблии 30 миллиард динор то ба ҳаҷми 100 миллиард динори исломӣ (тахминан 150 миллиард доллари ИМА) афзоиш додани сармояи оинномавӣ, қарор қабул карданд.

Доктор Аҳмад Муҳаммад Алӣ, президени гурӯҳи Бонки исломии рушд зимни хатми ҷаласа иброз доштааст, ки принсипи бонкдории исломӣ аз санҷиши вақт гузашт ва таваҷҷӯҳи мо ба сармояи ширкатӣ, барои бо ҳам дидани хатар ва ҳамкорӣ ба системаи молиявӣ таҳким бахшида, ба мо имкон медиҳад, ки мардумони мо аз вартаи камбизоатӣ бароварда шаванд.
Инчунин ба иттилои Кумитаи сармоягузорӣ ҳамраиси хазина Бил Гейтс, мудири ширкати Майкрасофт ва аз доротарин одамҳои ҷаҳон тавассути навори видеоие, ки дар вохӯрии Душанбе пахш карда шуд, гуфтааст, тандурустӣ ва кишоварзӣ пояҳои асосии аз вартаи камбизоатӣ баровардани мардум мебошад.

Номбурда бо ишора ба дурандешии сиёсати Бонки исломии рушд илова намудааст, ки бо шарофати кушодадастии шумо мо ҳаёти бисёр одамонро дар мамлакатҳои исломӣ наҷот медиҳем.

Кумитаи сармоягузорӣ ва идовари амволи давлатӣ мегӯяд, Бонк исломии рушд ҳамкорони навро барои такрор намудани маблағгузорӣ таҳти унвонии “бурди сегона” ҷалб карда истодааст ва умедвор аст, ки ҳаҷми сармояи мавҷударо барои лоиҳаҳо дар соҳаҳои кишоварзӣ, ғизогирӣ, маориф, энергетика, инфрасохтор ва иқлим зиёд гардонад.

Дар рафти вохӯрии солона шӯрои мудирон аз кишварҳои аъзои худ дархост кард, ки ӯҳдадориҳои худро оид ба сармоягузорӣ намудани 5,4 миллиард доллари ИМА ба сармояи нави Бонк иҷро намоянд.

Арабистони Саудӣ бо ҳиссаи 23,6% саҳми аз ҳама калони соҳибии Бонкро дорад. Сардафтари Бонк дар шаҳри Ҷидда ҷойгир буда, саҳмдорони калони дигар - Ливия бо 9,5%, Эрон бо 8,3%, Нигерия бо 7,7% ва Аморати Муттаҳидаи Араб бо 7,5% мебошанд. Чор саҳмдорони калони дигар Қатар (7,2%), Мисри Араб (7,1%), Туркия (6,5%) ва Қувайт (5,5%) мебошанд.

Нишасти Шўрои мудирони Бонки Исломии Рушд дар Душанбе 18-уми май бо ҳузури беш аз 740 меҳмони воломақом аз 80 кишвари дунё оғоз гардида рӯзи 22-юми май анҷом ёфт.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!