Русский  >>  فارسی  >>  Якшанбе 11 декабр 2016, 11:03

"Тарс ва нобоварӣ монеи сохтмони нерӯгоҳи Роғун шудааст"

24 май 2013, 10:27

Грант Смит, сафири собиқи Амрико дар Тоҷикистон, дар нишасте бо ҳузури як гуруҳ аз хабарнигорону соҳибкорони тоҷик дар Вашингтон гуфт, Иёлоти Муттаҳида барои Тоҷикистон бо Русия рақобат надорад.

Ӯ, ки аз соли 1995 то соли 1998 сафири ин кишвар дар Душанбе буд, назарҳоро дар бораи ин ки Амрико ба дунболи манфиатҳояш дар Осиёи Марказӣ, аз он ҷумла Тоҷикистон бо Русия дастбагиребон хоҳад шуд, нодуруст хонд.

Оқои Смит афзуд, мавқеи Амрикову Русия барои Тоҷикистон мисли оғози қарни гузашта миёни Бритониёву Русия нест. “Манофеи Амрико аз соли 1991 ба ин сӯ дар Тоҷикистону кишварҳои дигари Осиёи Марказӣ тағйир накардааст. Ҳадафи мо танҳо демократия ва амнияти минтақа мебошад”,-афзуд Смит.

Сафири собиқи Амрико ба масъалаи тақсими захоири оби минтақа ҳам ишора карда ва гуфт, Тоҷикистон барои обаш ҳақ дорад, вале ба гуфтаи ӯ бидуни иҷозаи Узбакистон наметавонад коре анҷом бидиҳад. Вале, афзуд ӯ, Узбакистон тақсими обро аз як масъалаи ҳамсоядориву иқтисодӣ ба як мавзӯи ҳассоси сиёсӣ табдил додааст.

Дар ҳамин ҳол, Лесли Вигуэри, раҳбари Идораи умури Осиёи Марказӣ дар Вазорати умури хориҷии Амрико, ки дар ин суҳбат иштирок дошт, ба масъалаи бунёди Роғун ишора кард. Ӯ гуфт, Амрико дар масъалаи сохтмони Роғун ягон мавқеъ надорад.

Вай афзуд, аз сабаби он ки Тоҷикистону Қирғизистон кишварҳои болооби минтақаанд, нобоварии Узбакистонро барои тақсими мунсифонаи об дар минбаъда ба бор овардааст. “Чаро ки Тошканд бовар дорад, дар сурати бунёди нерӯгоҳҳои бузург киштзорҳояш ташналаб хоҳанд монд. Дар ин маврид танҳо ҳамкорӣ метавонад роҳи ҳал бошад ва амри зарурист”,-таъкид кард Вигуэри.

Ин ду дипломати амрикоӣ ба масъалаи интихоботи қарибулвуқӯи президентӣ дар Тоҷикистон ҳам дахл карда ва гуфтанд, хоҳони интихоботи озоду шаффофанд. Вале онҳо гуфтанд, ин ҳама аз худи сокинон ва интихоби онҳо вобаста аст, ки киро ба ҳайси раҳбари худ бармегузинанд.


Дар акс: Грант Смит, сафири собиқи Амрико дар Тоҷикистон


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!