Русский  >>  فارسی  >>  Шанбе 3 декабр 2016, 03:20

Кумитаи "дифоъ аз ҳуқуқҳои конститутсионии Зайд Саидов" ташкил шуд

25 май 2013, 13:30

Рӯзи 25-уми май дар Душанбе Кумитаи ҷамъиятии ҳимоят аз ҳуқуқҳои конститутсионии Зайд Саидов, раҳбари гуруҳи ташаббускори таъсиси Ҳизби Тоҷикистони нав, ташкил шуд. Ин кумита шомили эътилофи тозаест, ки ҳадафаш “ҳифзи демократия ва ҷомеаи шаҳрвандӣ” мебошад.

Раҳматилло Зоиров, раиси Ҳизби сотсиал-демократии Тоҷикистон ва яке аз ташаббускорони таъсиси Эътилоф барои “ҳифзи демократия ва ҷомеаи шаҳрвандӣ”, ба “Озодагон” гуфт, ҳоло ба раёсати эътилоф нуҳ нафар бо шумули худи ӯ, Маҳмадалии Ҳайит, муовини райиси ҲНИТ, Абдуғанӣ Муҳаммадазимов, сиёсатшиноси шинохта ва Маҳмудҷон Қосимов, ҳуқуқшинос шомил гардидаанд.

“Дар дохили Эътилоф барои ҳифзи демократия ва ҷомеаи шаҳрвандӣ ҳамчунин Кумитаи ҷамъиятӣ оид ба ҳифзи ҳуқуқҳои конститутсионии Зайд Саидовро ташкил кардем. Дар ҳоли ҳозир ба ҳайати ин кумита бештар аз 13 нафар дохил гардиданд. Намояндаҳои аҳзоби сиёсӣ, гуруҳи ташаббускори ҳизби Тоҷикистони нав ва созмонҳои дифоъ аз ҳуқуқ низ шомили ҳамин кумитаанд”,-афзуд Зоиров.

Раҳматилло Зоиров мегӯяд, Эътилоф дар чанд самт фаъолият хоҳад кард, ки ҳимояи ҳуқуқҳои конститутсионии Зайд Саидов аз аслитарини онҳо хоҳад буд. “Мо супориш додем, ки ҳамин рӯз барномарезӣ шавад, ки чӣ гуна дар чорчубаи конунгузорӣ дар ин самт фаъолият хоҳем кард”,-гуфт раиси ҲСДТ.

Зайд Саидов, соҳибкори шинохта дар авоили моҳи апрел аз таъсиси Ҳизби Тоҷикистони нав хабар дод. Баъд аз чанд фурсат мақомот алайҳи ӯ чанд парванда боз карданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ман аз наздики Зайд Саидро боре хам надидаам, аммо дар асоси шунида ва тахлилхое ки дорам номбурда яке аз пешсафон дар сафи пеши ободкорон ин марзу бум, ки номаш Точикистон мебошад, будаанд ва ба дастовардхои хубе хам ноил шуда будаанд. Дар Хукумате ки имруз уро сиёх ва гунахкор медонад замоне аъзо низ буд. Гумон мекунам ки ба зиндон кашидани Зайд Сайид у кадар гапе хам нест, аммо ин ходиса пеши садхо мардонеро ки дилашон камтараке хам бошад гарм шуда буд ба ин ватан сад дар сад аз нав хунук шуд ва мешавад ва дар Точикистон рушди тичорат ва маблаггузорихои инвеститсиони ба кафо меравад. Ба ин Хукумат бовари ва эътимод кам мешавад. Ман рохбари давлат Эмомали Рахмонро ин кадар эхтиром мекунам ва дуст медорам ки шояд наздиктарин одамош дуст надоранд. Аммо имруз у аз вокеъият ва аз асли хеш дур шудааст. Тори тамалук хушомадгуи, васвасаву шайтони ва фасод ва корупсия уро то андозае мисли гузаи пила (кирмак пила) печонидаанд ва у аз мардумаш фарсахо дур шудааст. Агар хато кунам Худо маро бубахшад. Сад хайфи ин ватан ва ин мардум. Айби ин мардум хам хаст. Табиати ин мардум хушомадгуи будааст. То вакте сари кударт хасти падар, устод ва оли чанобат мехонанд. Вакте бори харут кач шуд, дар гор сарозерат мекунанд. Агар бовар накунед ба таърих назар кунед. Узр агар хато гуфта бошам. ба хар хол Кумитаи дифоъ агар бо барои холгирии сиёси набошаду вокеъан барои дифоъ аз хукуки як точики чабрдида бошад ман тарафдор. Ин ватан ва ин мардум худкуши бегонапараст будааст ва боки мемонад. Боки Худо шуморо таъфикро насиб гардонад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!