Русский  >>  فارسی  >>  Панҷшанбе 8 декабр 2016, 10:52

Корти сурхи Комрони Мирзохон бекор шуд

25 май 2013, 15:23

Комиссияи коршиносони Федератсияи футболи Тоҷикистон шикояти тими «Парвоз»-и Бобоҷон Ғафуровро қонеъ кард.

Раҳбарияти дастаи «Парвоз» аз пешниҳоди корти сурх ба ҳимоятгари худ -- Комрони Мирзохон аз сӯйи сардовар изҳори норизоӣ карда, бо ирсоли мактубе хостори расидагӣ ба ин қазия шуда буд.

19-уми май дар чорчуби даври 7-уми мусобиқаи қаҳрамонии Тоҷикистон миёни дастаҳои лигаи олӣ тими «Парвоз»-и Бобоҷон Ғафуров бо «Истиқлол»-и шаҳри Душанбе қувваозмоӣ кард. Дар дақиқаи 4-уми бозӣ Комрони Мирзохон ба Юҷин Сепуй, ҳамлагари «Истиқлол» бархӯрд. Дуюмӣ ҷароҳати вазнин бардошт ва Парвиз Муртазоев, сардовари бозӣ ба ҳимоятгари «Парвоз» корти сурх нишон дода, ӯро аз бозӣ берун кард.

«Комиссияи коршиносони ФФТ баъди баррасии навори бозӣ ба хулосае омад, ки Комрони Мирзохон барқасдона ин корро накардааст. Гузашта аз ин дар вақти бархӯрд туб зери назорати Комрон буд. Сардовар аз ҷойи ин ҳодиса каме дуртар будааст ва танҳо дар пайи дидани ҳолати бозингари «Истиқлол» ба ҳарифи ӯ корти сурх додааст. Аз ин рӯ комиссия тасмим гирифт, ки бояд корти сурхи Комрони Мирзохон лағв шавад»,-навиштааст сомонаи Федератсияи футболи Тоҷикистон.

Бозии «Парвоз» ва «Истиқлол» 0:2 поён ёфт.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!