Русский  >>  فارسی  >>  Якшанбе 4 декабр 2016, 02:47

Анҷумани муассисони ҳизби “Тоҷикистони нав” ба таъхир афтод

26 май 2013, 10:31

Анҷумани гурӯҳи ташаббускори таъсиси ҳизби “Тоҷикистони нав”, ки қарор буд имрӯз, 26-уми май, дар шаҳри Душанбе баргузор ва сипас аснод барои сабтином ба Вазорати адлия пешниҳод гардад, ба таъхир афтодааст. Маҳмудҷон Қосимов, муовини раҳбари гурӯҳи мазкур, ба “Озодагон” гуфт, ин анҷуман моҳе дертар баргузор хоҳад шуд ва далели таъхир боздошти ғайричашмдошти раҳбари гурӯҳ Зайд Саидов мебошад.

Ба суоли “Озодагон” дар ин бора, ки оё то моҳи дигар мушкилҳои дигаре барои баргузории анҷуман пеш нахоҳанд омад, Маҳмудҷон Қосимов гуфт, “мо тибқи муқаррароти қонунгузорӣ омодагӣ мегирем ва мушкилот набояд пеш оянд.”

Шашуми апрели соли ҷорӣ Зайд Саидов бо чанде аз ҷонибдорону ҳамфикронаш, аз ҷумла Абдулғанӣ Маҳмадазимов, Маҳмудҷон Қосимов, Шавкат Бозоров ва дигарон дар мавриди тасмими таъсиси ҳизби сиёсӣ хабар доданд.

Баъдан, 10-уми май ташаббускорони ин ҳизби то ҳол сабтиномнашуда, бо баргузории як ҷаласаи изтирорӣ аз таъқибу таҳдид ба ҷону моликияти роҳбарашон Зайд Саидов хабар доданд. Маҳмудҷон Қосимов, яке аз ташаббускорони “Тоҷикистони нав” гуфт, баъд аз эълони таъсиси ҳизби нав ба унвонии Зайд Саидов пайёмакҳое расидаанд, ки дар онҳо аз ҷумла таъкид шудааст, “агар ӯ аз таъсиси ҳизб даст накашад, ба ҳалокат хоҳад расид.” Дар матни паёмак инчунин баъзе таҳқирҳое омадаанд, ки Қосимов аз ифшои онҳо худдорӣ кард.

Баъдан, 17-уми май Оҷонсии мубориза бо фасоди Тоҷикистон нисбат ба Зайд Саидов парвандаи ҷиноӣ боз кард, ки он замон номбурда дар сафар хориҷ аз кишвар қарор дошт. Рӯзи 19-уми майи соли равон соати 03-00 Зайд Саидов ҳангоми бозгашт аз хориҷа дар фурудгоҳ боздошт ва рост ба бинои Оҷонсии мубориза бо фасод интиқол ёфт. Ҳоло ӯ дар боздоштгоҳи муваққати Кумитаи амнияти миллии Тоҷикистон нигаҳдорӣ ва барои тақаллубу серзанагӣ ва сӯистифода аз мақом муттаҳам мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • диловар

  • 26 май 2013 12:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
иншоАллох хамаш хуб мешавад, дуо мекнунем ...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!