Кӯли Сарез дар маркази таваҷҷӯҳи Зарифӣ ва дипломати Швейтсария

Ҳамрохон Зарифӣ, вазири корҳои хориҷии ҷумҳурии Тоҷикистон бо сафири фавқул лода ва мухтори конфедератсия Швейтсария дар Тоҷикистон (бо иқоматгоҳ дар Остона)   Стефан Неллен вохӯрӣ намуд.


Тибқи иттилои дафтари матбуотии ин вазорат, зимни нишаст  раиси дафтари ҳамкориҳои Швейтсария дар Тоҷикистон ҷаноби Питер Микула низ ширкат дошт. Дар оғози вохӯрӣ Ҳамрохон Зарифӣ сафири Швейтсарияро   хайрамақдам гуфта, муҳимияти сафари худро ба ин кишвар ва мулоқотҳои сатҳи баланде, ки зимни он сафар дар моҳи марти соли ҷорӣ дар Берн баргузор гардида буданд, қайд намуд.
Ҷонибҳо, инчунин масъалаи муносибатҳои байни Тоҷикистону Швейтсарияро матраҳ намуданд. Аз ҷумла дар ин нишаст сатҳи баланди ҳамкориҳо ва заминаи қарордодӣ-ҳуқуқӣ қайд гардид.Зарифӣ диққати сафирро ба масъалаи кӯли Сарез, ки роҷеъ ба ин масъала ҷонибҳо соли 1997 санади дахлдорро ба имзо расонида буданд, ҷалб намуд.    Гуфта мешавад, вазири корҳои хориҷӣ миннатдории худро ҷиҳати дастгирии ҳукумати Швейтсария дар раванди дохилшавии Тоҷикистон ба Созмони Ҷаҳонии Тиҷорат иброз дошт ва боварии худро нисбатии давом додани ҳамкориҳои зич роҷеъ ба ин масъала баён намуд. Ба ҷуз ин дар мулоқот масоили марбут ба авзои Тоҷикистон ва минтақа мавриди муҳокима қарор гирифт.
Мӯҳр