Русский  >>  فارسی  >>  Панҷшанбе 8 декабр 2016, 16:55

Тағйири санаи бозиҳо дар даври 9-уми лигаи олӣ

28 май 2013, 11:54

Кумитаи иҷроияи Федератсияи футболи Тоҷикистон (ФФТ) муҳлати ду бозии даври 9-уми мусобиқаи лигаи олиро тағйир дод.

Аз сабаби он, рӯзи 4-уми июни соли равон дар варзишгоҳи “Пахтакор”-и шаҳри Қӯрғонтеппа миёни дастаҳои мунтахаби миллии Тоҷикистону Афғонистон бозии рафиқона баргузор мегардад, бозии даври 9-ум миёни тимҳои “Хуҷанд”-“Истиқлол” аз 2-юми июн ба 29-уми май ва бозии “Равшан” – “Вахш” аз 2-юм ба 7-уми июн гузаронида шуд.

Бозиҳои ҳайатҳои ҷавонони ин дастаҳо мутаносибан 28-уми май ва 11-уми июн баргузор мешаванд. Ҳамчунин бо розигии тарафайн бозии даври 9-ум миёни дастаҳои “Хуҷанд” – “Истиқлол” дар Душанбе, бозии давраи дувуми мусобиқот байни ин дастаҳо дар Хуҷанд доир хоҳад шуд.

Як бозии дигари даври 9-ум рӯзи 30-юми май баргузор мегардад. Дастаҳои “Парвоз”-“Энергетик” дар варзишгоҳи “Фурудгоҳ”-и Бобоҷон Ғафуров ба сабқат мебароянд . Дастаҳои ССКА “Помир” дар варзишгоҳи худ бо тими “Хайр” қувваозмоӣ мекунад.

Инчуни фардо дастаҳои “Равшан”-“РегарТадАЗ” бозии мавқуфгузоштаи даври 3-юми мусобиқотро дар варзишгоҳи “Металург”-и шаҳри Турсунзода анҷом медиҳанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!