Русский  >>  فارسی  >>  Душанбе 5 декабр 2016, 17:33

Ҳизби коммунист ба Эътилофи ҳимоят аз демократия "НЕ" гуфт

28 май 2013, 18:08

Масъулони Ҳизби коммунисти Тоҷикистон мегӯянд, ба далели тафовут доштани барномаи ҳизбияшон наметавонанд аз пешниҳоди бархе аҳзоби мухолиф дар бораи таъсиси Эътилоф барои ҳимоят аз демократия ва ҷомеаи шаҳрвандӣ тарафдорӣ намоянд.

Исмоил Талбаков, муовини раҳбари Ҳизби коммунисти Тоҷикистон ва намояндаи ин ҳизб дар парлумон гуфт, “набояд фаромӯш кард, ки ҳизби мо комилан иҷтимоӣ буда, бештар ба арзишҳои зиндагии осуда такя мекунад. Барои ворид шудан ба Эътилоф моро лоизм меояд, ки барномаи ҳизбии худро тағйир диҳем.”

Ҳафтаи гузашта як гуруҳ аз намояндагони аҳзоби сиёсӣ, аз ҷумла Ҳизби сотсиал-демократ ва Ҳизби наҳзати исломӣ ва созмонҳои иҷтимоӣ аз таъсиси Эътилофи ҳимоят аз демократия хабар доданд. Ба қавли муассисони ин Эътилоф, Кумитаи ҳимяо аз ҳуқуқҳои конститутсионии Зайд Саидов низ шомили он мебошад.

Ҷаноби Талбаков дар суҳбат бо “Озодагон” афзуд, феълан онҳо дар мавриди ширкат кардани номзадашон дар интихоботи президентӣ низ тасмим нагирифтаанд. “Ҳоло мо мунтазири замони эълони расмии баргузории интихоботи президентӣ ҳастем. Баъд аз он зуд Анҷумани худро баргузор карда, миёни тарафдорон як номзади арзанда интихоб хоҳем кард”,-илова кард Талбаков.


Дар акс: Исмоил Талбаков, муовини раиси Ҳизби коммунисти Тоҷикистон ва узви Маҷлиси Намояндагон


Шарҳи худро бинависед:

Ном:*
E-Mail:
Матни шарҳ:
Посух додан
  • rambo

  • 28 май 2013 22:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Akai Ismoil bugu ki gairat nadorem. Barnomai hizbi bahona.

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!