Русский  >>  فارسی  >>  Ҷумъа 9 декабр 2016, 03:05

Сӯҳроб Шарифов гуфт, Хадамоти санитарӣ зидди даъвоҳои Онишенко “мусаллаҳ” бошад

29 май 2013, 11:24

Сӯҳроб Шарифов, вакили Маҷлиси Намояндагон, аз масъулони Хадамоти санитарӣ - эпидемиологии Вазорати тандурустии Тоҷикистон хост, кори худро ҷиддӣ бигиранд. Дар ҳоле ки ба гуфтаи ӯ, сустии кории ин хадамот метавонад барои Тоҷикистон дардисарҳое эҷод кунад.

Ин хоҳиши Шарифов дар ҷаласаи рӯзи чоршанбе (29 май)-и парлумон, ҳангоми қабули тағйиру иловаҳо ба “Қонун дар бораи таъмини амнияти санитарию эпидемиологии аҳолӣ” садо дод. Сӯҳроб Шарифов гуфт, бояд Хадамоти санитарӣ - эпидемиологии Вазорати тандурустӣ коре кунад, ки “дӯстони Тоҷикистон”, ба мисли Онишенко, натавонанд ба онҳо эрод бигиранд. “Беҳтар аст, ба онҳо ё саривақт ҷавоб гардонд ё ин ки ҳамкориро дуруст ба роҳ монд, ки боиси эҷоди мушкилҳо нашавад”,-афзуд ӯ.

Тарҳи тағйиру иловаҳо ба қонун дар бораи таъмини амнияти санитарию эпидемиологии аҳолӣ дар Тоҷикистонро Холмаҳмад Назаров, як масъули Вазорати тандурустӣ муаррифӣ мекард ва Сӯҳроб Шарифов гуфт, ин хоҳиши ӯро ба раҳбарияти Хадамоти санитарӣ - эпидемиологии Вазорати тандурустӣ бирасонад.

Ин дархости Сӯҳроб Шарифов дар ҳолест, ки танҳо дар моҳи апрели соли ҷорӣ Дмитрий Рогозин, ноиби нахуствазири Русия ва Генаддий Онишенко, сардухтури санитарии Русия аз қаторҳои Тоҷикистон дидан карда, изҳор доштаанд, ки вазъи санитарии онҳо ба одитарин талаботи санитарӣ ҷавобгӯ нестанд. Дар пайи он, чунин пешниҳод садо дод, ки Вазорати нақлиёти Русия якҷоя бо роҳҳои оҳани Русия ба Шӯрои Иттиҳоди давлатҳои мустақил санад дар бораи қатъи иртибот бо Тоҷикистон тавассути роҳи оҳанро пешниҳод намоянд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!