Русский  >>  فارسی  >>  Якшанбе 4 декабр 2016, 15:12

Вазорат дар Донишгоҳи омӯзгорӣ камбудҳоро ошкор кардааст

29 май 2013, 16:26

Хадамоти давлатии назорат дар соҳаи маорифи назди Вазорати маорифи Тоҷикистон вазъи ҳуҷҷатнигорӣ, раванди таълим, сатҳи донишазхудкунӣ, имконоти технологӣ ва самтҳои дигари фаъолияти 5-солаи Донишгоҳи омӯзгориро санҷида, дар баъзе бахшҳо ин муассисаро “намунаи ибрат” хондааст.

Р.Саидов, сардори Хадамоти давлатии назорат дар соҳаи маориф рӯзи 28-уми май, зимни ҷамъбасти санҷиш дар ҳузури хонандагону устодон ба тарзи ҳуҷҷатгузорӣ дар шуъбаи кадрҳо баҳои баланд дода, изҳор намудааст, ки дар ягон муассисаи таълимӣ ин гуна тартибу низоми ҳуҷҷатдорӣ мушоҳида нашудааст.

Баробари ин Саидов таъкид кардааст, ки дар рафти санҷиш дар радифи муваффақиятҳо, хамчунин, як қатор камбудиҳо низ ошкор шуда, ки ислоҳи саривақтии онҳо амри ногузир мебошад: “Масалан, фоизи омӯзгорони унвондор ба меъёрҳои муайяншуда мутобиқ нест. Ҳамзамон, баъзе факултаю кафедраҳоро устодони беунвон роҳбарӣ менамоянд, ки ин низ бар хилофи санадҳои дахлдор мебошад. Тӯли 5 сол бештар аз 100 нафар шуъбаи аспирантураи донишгоҳро ба итмом расонидаанд, вале аз ин шумора ҳамагӣ 14 нафар дар вақти муқарраршуда рисолаҳои илмиашонро дифоъ намудаанд. Дар масъалаи дастрасӣ ба шабакаи ҷаҳонии интернет бошад, мебояд гуфт, ки на дар ҳама синфхонаҳои компютерӣ имконпазир мебошад.”

Ректори донишгоҳ, академик Абдуҷаббор Раҳмонов дар посух ба эродҳои ҳайати комиссия зикр кард, ки воқеан ҳам, қисмате аз камбудиҳои гуфташуда вуҷуд доранд, аммо барои рафъашон корҳо идома доранд: “Масалан, алъон, ҳар нафар аспирант дар ҳар семоҳа аз аттестатсия гузаронида мешавад ва барои ҳимояаш муҳлат муайян шудааст. Дар бобати дастрасӣ ба интернет таъкид намудан ба маврид аст, дар ҳама синфхонаҳои компютерӣ ва кулли факултаю кафедраҳо интернет дастрас мебошад ва дар ин ҷода мушкиле вуҷуд надорад.”

Раҳмонов ваъда додааст, ки дар кӯтоҳтарин муддат ҷиҳати бартарафнамоии камбудиҳои ошкоршуда нақшаи чорабиниҳо тартиб дода хоҳад шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Донишчу

  • 29 май 2013 16:31
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шери нари-акаи Абдучаббор! Офарин! Мо бо ректорамон фахр мекунем!
Посух додан
  • Darvesh

  • 29 май 2013 16:34
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Skorosti interneti Donishgoha bi, megi rangi traktori MTZ kor menad...
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ba Xudo kasam durug ast haminka besavode hast donishjuyonashon to bas guftana! Magistroshona dar nazar doram bachahoi savodi nagz doshta far donishgohi texnologi texniki Medinstitut va agrari meboshand ! Dar onjo durug astki hamai sinfxonaho inet dorad durugi mahz ast....

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!