Русский  >>  فارسی  >>  Шанбе 3 декабр 2016, 03:13

“Истиқлол” “Хуҷанд”-ро шикаст дод, “Равшан” “РегарТадАз”-ро

30 май 2013, 11:14

Дастаи “Равшан”-и Кӯлоб дар меҳмонӣ бар тими “РегарТадАЗ”-и Турсунзода пирӯз шуд. “Хуҷанд”-и Хуҷанд дар майдони худ аз “Истиқлол”-и Душанбе шикаст хӯрд.

Дастаҳои “Равшан”-“РегарТадАЗ” дар даври 3-юми мусобиқи қаҳрамонии Тоҷикистонро дар варзишгоҳи “Металлург”-и шаҳри Турсунзода қувваозмоӣ намуда, бозӣ бо ҳисоби 1:0 ба нафъи меҳмонон-дастаи “Равшан” анҷом ёфт. Голи ягонаи дидорро Мусо Содиқ, бозигари дастаи “Равшан” дар дақиқаи 23-юми сабқат ба ҳадаф расонид.

Бозии даври 9-уми мусобиқот миёни тимҳои “Хуҷанд”-“Истиқлол”, ки аз 2-юми июн ба 29-уми май гузаронида шуда буд, дар “Варзишгоҳи 20-солагии истиқлолияти Тоҷикистон”-и шаҳри Хуҷанд баргузор гардида бо ҳисоби 0:2 ба нафъи меҳмонон-дастаи “Истиқлол” анҷом ёфт. Голҳоро Виллер Соуза Оливейр дар дақиқаи 78-ум (0:1) ва Ҷаҳонгир Эргашов дар дақиқаи 82-юм (0:2) ба ҳадаф расониданд.

Ҳамин тариқ дар ҷадвали мусобиқот, дастаҳои “Истиқлол” ва “Равшан” бо 21 имтиёзӣ мутаносибан дар ҷойҳои якуму дуюм қарор доранд. “РегарТадАз”-и Турсунзода бо 10 имтиёз зинаи сеюмро касб кардааст.

Бозии даври 9-уми дастаҳои “Равшан” – “Вахш” аз 2-юм ба 7-уми июн гузаронида шудааст.

Дастаҳои “Парвоз”-“Энергетик” рӯзи 30-юми май, дар варзишгоҳи “Фурудгоҳ”-и Бобоҷон Ғафуров ба сабқат мебароянд . Рӯзи 31-уми май, дастаи ССКА “Помир”-и Душанбе дар варзишгоҳи худ бо тими “Хайр”-и Ваҳда қувваозмоӣ мекунад.
Голзанҳои беҳтарини мусобиқот инҳоянд: Дилшод Восиев (“Истиқлол”) - 5 тӯб, Ҷаҳонгир Эргашов, Юджин Сепӯйя (ҳар ду - “Истиқлол”), Нуъмон Ҳакимов (“Равшан”) ва Ҳусейни Суҳробӣ (“Хайр”) - 3 тӯбӣ задаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!