31 май 2013 08:50Тоҷикистон / Иқтисодӣ

"Ҳар тобистон тақрибан 7 миллиард киловатро аз даст медиҳем"

Гул Шералӣ, вазири энергетика ва саноати Тоҷикистон, дар нахустин Форуми энергетикии Осиё ва Уқёнуси Ором, аз 27 то 30-юми май, дар ҳузури намояндагони 62 давлат мушкилоти энергетикии Тоҷикистонро матраҳ кардааст.

Тавре Вазорати энергетика ва саноати Тоҷикистон иттилоъ медиҳад, Гул Шералӣ зимни ҳамоиш аз ҷумла қайд намудааст, ки “аз солҳои 1990 инҷониб дар энергетикаи Тоҷикистон ҳиссаи гази моеъ ва намудҳои газҳосилкунанда коҳиш ёфта, маҳдуд гардидани интиқоли гази табиӣ ва минбаъд қатъ шудани он ба ҷумҳурӣ, баланд будани арзиши намудҳои дигари энергетикӣ дар ҷумҳурӣ ногузир зарурати гузаштан ба нерӯи барқро ба миён овард.”

Вазири энержӣ таъкид намудааст, ки ҳукумат барои бартараф намудани норасогии энергетикӣ, ки дар фасли сармо қариб 4 млрд КВт/с-ро ташкил медиҳад, чораандешӣ дорад: “Ҳамзамон, дар мавсими тобистон ҳар сол нерӯи барқ дар ҳаҷми 5-7 млрд КВт/с беистифода партоб карда мешавад.”

Вазири энергетика ва саноат инчунин лоиҳаи CASA-1000-ро ба миён гузошта, онро дорои аҳамияти минтақавӣ хонда, аз ҷонибҳои манфиатдор, институтҳои молиявии байналмилалӣ даъват намудааст, ки дар татбиқаш ширкат кунанд. Гул Шералӣ зикр кардааст, ки айни замон Бонки умумиҷаҳонӣ ва Бонки Рушди Исломӣ омодагияшонро барои татбиқи лоиҳа изҳор намуданд.

Мӯҳр

Хабарҳои монанд:

собир

Кадри кухна хеч гох харфи нави намегуяд. Факат як гапро мисли тути такрор мекунаду халос Масалан хамин сухан дар хама баромадхои ин хеши Чаноби Оли хаст: "дар мавсими тобистон ҳар сол нерӯи барқ дар ҳаҷми 5-7 млрд КВт/с партоб карда мешавад".
Чаноби Гул Шерали! Лутфан ба бехунари ва мутахассис набудани худ коил шуда, мансабро холи кунед. Медонам курсии Шумо басо курсии сердароад буда, хар сол миллионхо доллар аз тарафи ташкилотхои хоричи грантхо чудо карда мешаванд. Албатта чаноби Оли хам ин курсиро ба бегона бовар намекунанд. Вале Шумо бояд худ эътироф кунед, ки аз ухдаи вазифа набаромадед. Истеъфо дихед ва хам худу моро аз азоби вичдон озод кунед

Ҷавоб диҳед Иқтибос Шикоят

Эзоҳ илова кунед