Русский  >>  فارسی  >>  Шанбе 3 декабр 2016, 09:43

Кабирӣ: Ҳеч нерӯе наметавонад ҲНИТ-ро аз саҳна берун кунад

31 май 2013, 10:25

Муҳиддин Кабирӣ, раиси Ҳизби наҳзати исломии Тоҷикистон (ҲНИТ), мегӯяд, ҳеч фишоре наметавонад масири ҳизби зертобеашро тағйир ва аз саҳнаи сиёсии ин кишвар берун кунад.

Оқои Кабирӣ дар ин бора зимни суҳбати худ бо хабарнигори торнамои “Jawedan” (“Ҷовидон”)-и Афғонистон ҳарф задааст. Ӯ гуфта, ки ҲНИТ бидуни таваҷҷуҳ ба иқдомоти алайҳи худ роҳашро мутмаинан идома медиҳад ва ҳеч гуна фишоре масири ин ҳизбро тағйир дода наметавонад.

Вай афзудааст, ягон нерӯ қудрати аз саҳнаи сиёсӣ берун андохтани ҲНИТ-ро надорад. Зеро ба гуфтаи ӯ ҳизби зертобеаш бо ҳамаи марокизи муҳими ҷаҳонӣ ва кишварҳои таъсиргузор тавонистааст, равобити ҳасана (хуб) барқарор кунад.

Раиси ҲНИТ иддао дар мавриди он ки гӯиё саркӯбии аҳзоби дунявӣ аз сӯи ҳукумат боиси тақвияти Ҳизби наҳзат гардид, беасос хонда, таъкид кардааст: “ҲНИТ беш аз ҳар ҳизби мухолифи дигар фишор ва маҳрумиятҳо дидааст ва дар ҷои он агар ҳизби дигаре мешуд, кайҳо саҳнаро тарк карда буд. Вижагии андешаи исломӣ дар он аст, ки дар баробари афзоиши фишору таъқиб қавӣ ва решадортар мешавад.”

Ҳизби наҳзати исломӣ ҳизби умдаи мухолиф дар Тоҷикистон ба ҳисоб меравад, ки дар ҳоли ҳозир чиҳил ҳазор узв дорад. Дар ҳоли ҳозир танҳо ду намояндаи ҲНИТ ба парлумон роҳ ёфтаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • назар

  • 31 май 2013 20:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дар хакикат зеби ислому давлатдори хам доред чаноби Кабири! AЛЛОХ МАДАД КУНАД.ОМИН!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бале, хак ба чониби устод аст. Инналлоха маассобирин. Нахзатихо дар рохи интихобкардаи хеш устуворанд, ана хамин сифатро сабру субот дар рохи Аллох мегуянд, на розй буданро ба хориву зиллат.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!