Русский  >>  فارسی  >>  Шанбе 3 декабр 2016, 16:35

Ҳушдори нави Онишенко аз домана миёни муҳоҷирони тоҷик

31 май 2013, 14:56

Ростпотребнадзор, ниҳоди зертобеи Генадий Онишенко, сардухтури санитарии Русия бо пахши як изҳорот аз ифшои бемории домана (тиф) дар миёни муҳоҷирони тоҷику узбак дар Перм ҳушдор додааст.

Ба иттилои ин ниҳод миёни муҳоҷирини кории Тоҷикистону Узбакистон, ки дар бозори “Заостровка”-и Перм кор кардаанд, ҳолатҳои зуҳури домана ошкор шудаанд ва ин ниҳод ҳушдор медиҳад, ки чун муҳоҷирон дар бозор кор кардаанд, эҳтимоли тавассути маҳсулот паҳн гаштани беморӣ вуҷуд дорад.

Сарчашмаи сар задани беморӣ оби чоҳ арзёбӣ мешавад, ки муҳоҷирон аз он истеъмол мекардаанд. Роспотребнадзор қарор кардааст, ки бозорча ҳам аз 1 то 3-юми июн барои санҷиш баста шавад.

Тибқи иттилои расонаҳои Русия айни ҳол бо нишонаҳои домана 7 муҳоҷир бистарӣ шуда, дар се ҳолат ин беморӣ аллакай тасдиқ ёфтааст.

Ин дар ҳолест, ки моҳи марти соли равон табибони рус дар мусофирони ҳавопаймое, ки аз Тоҷикистон ба шаҳри Ростови лаби Дон парвоз карда буд, гӯиё нишонаҳои бемории халера ё худ ваборо ёфта, тайёраро ҳамроҳ бо 150 мусофир ба карантин фиристоданд. Вале баъдан маълум шуд, ки ин гумони табибон ғалат будааст ва сафорати Тоҷикистон дар Маскав низ “карантин”-и 150 шаҳрванди Тоҷикистон дар ҳавопаймои Хуҷанд-Ростовро “таҳқир”-е беш надониста буд, дар ин замина номаи эътирозӣ ё нотаи худро ба Вазорати умури хориҷии Русия таслим карда буд.

Инчунин ахиран Онишенко аз мувофиқ набудани қаторҳои тоҷик ба меъёрҳои санитарӣ нигаронӣ карда буд. Аммо дар Тоҷикистон аксари изҳороти Онишенкоро дорои тобиши сиёсӣ арзёбӣ мекунанд, ки барои ҳосил кардани ғаразҳои сиёсии Русия равона шудаанд.

Ахиран Суҳроб Шарипов, вакили парлумони тоҷик аз мақомоти Тоҷикистон даъват кард, ки ба изҳороти Онишенко омода бошанд ва саривақт аксуламал нишон диҳанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шарипов зурай..гап нест..хайф ки гапаша гуш намекуунанд..
Посух додан
  • Точик

  • 3 июн 2013 00:57
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хайр агар касал шаванд бигузор аввал муолича кунанд. Бо нашавадки онхоро бо сабаби касалиашон ба Точикистон бадарга кунанд!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!