Русский  >>  فارسی  >>  Якшанбе 11 декабр 2016, 03:18

Зоиров: “Ин дафъа касе намедонад, кӣ президент хоҳад шуд”

3 июн 2013, 11:07

Раҳматилло Зоиров, раҳбари Ҳизби сотсиал-демократи Тоҷикистон, гуфтааст, иштироки ӯ дар интихобот на ба маънои дарёфти қудрат, балки “ба чаҳорчӯбаи ҳуқуқӣ ворид кардани интихоботи президентист”. Вай ин нуктаро дар посух ба суоли яке аз аъзои гуруҳи “Платформа” дар шабакаи Фейсбук баён доштааст.

“Агар талош кунаму ба ин ҳадаф нарасам, виҷдонам дар назди Худованду мардуми Тоҷикистон тоза мешавад. Агар ҳаракат накунаму имконият диҳам, ки қонуншиканӣ рӯй медиҳад, мо, ки раҳбарии ҳизбро ба зимма дорем, гуноҳи азим содир мекунем”,-афзудааст ӯ.

Оқои Зоиров дар идома гуфтааст, “тамоми халқ медонад, ки интихобот дар ҷумҳурии мо ба таври шаффоф намегузарад, аммо ин дафъа, ки раисиҷумҳур мешавад, маълум нест. Албатта, боз қонуншиканӣ ва тақаллубкорӣ мешавад ва агар Эмомалӣ Раҳмон боз номзадии худро пешниҳод кунад, механизми давлатдорӣ инро таъмин менамоянд, аммо, ӯро аз ҷиҳати ҳуқуқ ва қонун президент эътироф кардан ғайриимкон аст. Яъне, дар ин ҳолат, аз ин интихобот Тоҷикистон бе президенти расмӣ мемонад ва ин ваъзияти ҷумҳуриро аз танзими ҳуқуқӣ мебарорад.”

Раҳматилло Зоиров дар посух ба ин суол, ки оё дар интихоботи раёсати ҷумҳури Тоҷикистон иштирок хоҳад кард, ё не, гуфтааст, инро анҷумани ҳизб муайян хоҳад кард. Ин дар ҳолест, ки ҳанӯз моҳи феврали соли ҷорӣ Ҷунбиши миллӣ, созмони сиёсии сабтиномнашуда дар Тоҷикистон, эълон кард, Раҳматилло Зоиров номзади онҳо дар интихобот аст ва аз ҳамаи созмонҳову ҳарактаҳои сиёсӣ хост, то ӯро дастгирӣ намоянд.


Шарҳи худро бинависед:

Ном:*
E-Mail:
Матни шарҳ:
Посух додан
  • Jovidon

  • 3 июн 2013 12:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Xudovand medonand...:-))))
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Окои зойируф, бодиккат азтнавиштахои шумо хондам. Боиси таассуф аст ки хулосаи ман ба нафъи шумо нест. Ин хам бошад шумо демагог ва туфтолог хастед. Китобхои хархелаи юридикиро хондаеду чи гуна амали кардани он ба доираи истеъдодхои шумо шомил нест.
Шуморо хамчун муаллими ддм мебинаму халос! агар шумо мард бошед кани ин маротиба баъд аз нокомихои пайи хам да интихоботхои гузашта , номзадии ягон шогирди худро манзур кунед! Аааааааа, раиси ширин аст окои теоретик ширииин!

Дустон агар ичозат дихед суоле кунам. Хамин акои зоиров дар хамаи аксхо е кач нишастааст, е ба дигар тараф якнима нигох мекунад. Магар эшон ягон иллате бо гардан ва чашм дорад?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Алик Малики навбатии Рахматулло Зоиров... И мардак кида хизмат кадестаст? Хами мардак набуд ки Зайд Саидова бие бие гуфта буд?) Агар Муллора ба гуфташ кардан даркорай ба карда не, пас ба ба гуфтаву хам ба кардаи Зоиров кадан даркор нест)

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!