Русский  >>  فارسی  >>  Якшанбе 4 декабр 2016, 04:54

Салоҳияти прокурорҳои Тоҷикистон бештар мешавад

3 июн 2013, 12:01

Имрӯз, 3-юми июн дар ҷаласаи Шӯрои Маҷлиси намояндагон таҳти раёсати Шукурҷон Зуҳуров, тавсеаи салоҳиятҳои прокурорҳои тоҷик баррасӣ шудааст.

Тавре аз Хадамоти матбуоти Маҷлиси намояндагони Тоҷикистон хабар доданд, вакилон лоиҳаи тағйиру иловаҳо ба Кодекси мурофиавии ҷиноятиро баррасӣ намуда, аз ҷумла қайд кардаанд, ки “тағйиру иловаҳои ба моддаҳои 159, 161 ва 168-и Кодекси мурофиавии ҷиноятии Ҷумҳурии Тоҷикистон пешниҳодгардида салоҳияти прокурорро дар самти назорати иҷрои қонунҳо ҳангоми таҳқиқ ва тафтиши парвандаҳои ҷиноятии хусусияти коррупсионидошта мукаммал намуда, барои таъмини бештари назорати прокурорӣ аз болои тафтишот ва пешгирӣ намудани қонуншиканиҳо мусоидат менамояд.”

Баробари ин аъзои Шӯро лоиҳаҳои қонунҳои Тоҷикистон «Дар бораи муомилот бо партовҳои радиоактивӣ», «Дар бораи фаъолияти аудиторӣ», Дар бораи ташкили Гурӯҳҳои дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Маҷлиси Шӯрои Мамлакати Арабистони Саудӣ, бо Маҷлиси миллии Қувайт ( Маҷлис ал-Умма), бо Рийгикогуи (парламенти) Ҷумҳурии Эстония» ва гузориши Роҳбари Дастгоҳи Маҷлиси намояндагони Тоҷикистон «Оид ба ҷамъбасти вохӯриҳои вакилон бо интихобкунандагон аз 30 апрел то 10 майи соли 2013» -- ро қабул ва ба ҷаласаи навбатии иҷлосияи чоруми Маҷлиси намояндагон, ки рӯзи 5-уми июн баргузор мегардад, пешниҳод кардаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!