Русский  >>  فارسی  >>  Шанбе 10 декабр 2016, 15:44

Пешниҳоди таъсиси Анҷумани вакилони мудофеи Тоҷикистон

3 июн 2013, 16:42

Вакилони мудофеи Тоҷикистон пешниҳод кардаанд, ки барои дифоъ аз ҳаққи онҳо “Анҷумани адвокатҳои Тоҷикистон” ташкил шавад. Ин пешниҳод рӯзи севуми июн дар як конфронси байналмилалӣ дар Душанбе садо дод.

Дар кори ин конфронс намояндаҳои Созмони ҳимоят аз ҳуқуқи башари Аврупо низ иштирок доштанд ва онҳо гуфтанд, ки дар ташкили Анҷумани адвокатҳои Тоҷикистон кумаки худро хоҳанд расонд.

Дар ин нишаст вакилони мудофеъ дар бораи таъмини вазъи ҳуқуқи инсон ва ҷойгоҳи созмонҳои ҳомии ҳуқуқ дар қонунгузории кишвар низ назари худро баён доштанд. Файзиннисо Воҳидова, яке аз вакилони мудофеъ, дар ин нишаст гуфт, ҳарчанд Қонуни асосӣ ҳуқуқи иштирок дар ҳизбҳои сиёсӣ, иттиҳодияҳои ҷамъиятӣ ва ташкили гирдиҳамоиҳоро додааст, вале дар асл шаҳрвандон аз ин ҳама маҳруманд.

“Имрӯз ба ҳама маълум аст, ки фишор болои ҳизбҳои сиёсӣ Ҳизби наҳзати исломӣ ва Ҳизби сотсиал-демократи Тоҷикистон зиёд шуда, фаъолон дар маҳалҳо бо ҳар гуна роҳҳои сунъӣ ба ҷавобгарии маъмурӣ кашида шуда, додгоҳ бошад ҳатман ба манфиати мақомоти давлатӣ ҷонибдорӣ менамояд. Мутаассифона, масъулони мақомоти маҳаллӣ ҳизби сиёсиро аз ташкилоти динӣ фарқ намекунанд. Фаъолони ҳизби сиёсӣ бо асосҳое, ки қонун барои ташкилоти динӣ муқаррар кардааст, ба ҷавобгарӣ кашида мешаванд”,-афзуд Воҳидова.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!