Русский  >>  فارسی  >>  Душанбе 5 декабр 2016, 21:35

Леруа хуруҷи низомиёни Фаронса аз Душанберо баҳс кард

4 июн 2013, 10:36

Ҳамрохон Зарифӣ, вазири умури хориҷии Тоҷикистон бо Дидие Леруа, сафири Фаронса дар Душанбе рӯзи сеюми июн густариши ҳамкориҳои ду кишварро баррасӣ кардаанд.

Тибқи иттилои Вазорати умури хориҷӣ Дидие Леруа бо Ҳамрохон Зарифӣ дар баробари масоили вобаста ба ифтитоҳи расмии сафорати Тоҷикистон дар Париж, вазъи феълии сохтмони манораи назоратӣ-диспетчерӣ ва терминали нави фурудгоҳи байналмилалии Душанбе, инчунин мавзӯи хуруҷи низомиёни Фаронса аз ҳудуди Тоҷикистон то соли 2014-ро баҳс намудаанд.

Қаблан Вазорати дифои Фаронса дар сомонааш иттилоъ дод, ки дар пасманзари берун шудани нерӯҳои НАТО аз қаламрави Афғонистон, низомиёни Фаронса низ Душанберо тарк мекунанд. Ин раванд, аллакай 15-уми апрел оғоз гардида, дар назар аст моҳи июли соли ҷорӣ ба анҷом расад.

Дар изҳороти Вазорати дифои Фаронса омадааст, дар Душанбе танҳо як гуруҳ, ки ба таъмиру таҷдиди хатти парвозу нишасти фурудгоҳи Душанбе машғуланд, то соли оянда боқӣ хоҳад монд.

Вазорати дифои Фаронса хотиррасон мекунад, низомиёни ин кишвар дар Душанбе моҳи декабри соли 2001 ҷойгузин гардида, асосан ба таъминоти сарбозон дар Афғонистон ва интиқоли бору мусофирон машғул буданд. Ба иттилои Вазорати дифоъ, гуруҳи низомиёни фаронсавӣ таи 12 соли ҳузур дар пойтахти Тоҷикистон 89 ҳазор мусофир ва 14 ҳазору 500 тонна борро ба хоки Афғонистон интиқол додаанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!