Русский  >>  فارسی  >>  Шанбе 3 декабр 2016, 00:46

46 миллион $ барои “серию пурӣ” дар Тоҷикистон

4 июн 2013, 11:02

Бонки ҷаҳонӣ ба татбиқи лоиҳаи арзишаш 45,9 миллион доллари амрикоӣ оғоз кард, ки ба таъмини амнияти ғизоии Тоҷикистон равона шудааст.

Тибқи иттилои Бонки ҷаҳонӣ мақсади лоиҳа беҳтар намудани истеҳсолоти кишоварзӣ ва ташкили ҷойҳои кории муваққатӣ дар дувоздаҳ ноҳияи Тоҷикистон мебошад: “Лоиҳа имкон медиҳад, ки зиёда аз 770 ҳазор нафар аҳолӣ дар дувоздаҳ ноҳияи вилояти Хатлон аз ҳосилнокии баланд, имкониятҳои иловагии ҷойи корӣ ва даромадҳои беҳтар баҳраманд шаванд.”

Ин лоиҳаи нав ба воситаи гранти Ассотсиатсияи байналмилалии рушд (IDA) дар ҳаҷми 18 миллион доллар ва гранти Барномаи Хазинаи трастии мултидонорӣ оид ба кишоварзӣ ва амнияти озуқавории ҷаҳонӣ дар ҳаҷми 27,9 миллион доллар маблағгузорӣ мешавад, Шӯрои директорони иҷроияи Бонки ҷаҳонӣ ҳанӯз моҳи ноябри соли 2012 онро тасдиқ намуда буд.

Бонки ҷаҳонӣ дар Тоҷикистон асосан соҳаи кишоварзиро маблағгузорӣ мекунад ва то имрӯз зиёда аз 280 миллион доллари амрикоӣ ба ин соҳа равона шудааст.

Алҳол маҷмӯи лоиҳаҳои фаъоли Бонки ҷаҳонӣ дар Тоҷикистон 15 адад мебошанд, ки маблағи умумиашон 271 миллион доллари амрикоиро ташкил медиҳад.


Шарҳи худро бинависед:

Ном:*
E-Mail:
Матни шарҳ:
Посух додан
  • Бешох

  • 4 июн 2013 15:52
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хамаи кумаку ободи ба чануб? Нохияхои вилояти Сугд чи?
Посух додан
  • Чануб

  • 5 июн 2013 21:58
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Парво накун, ин ба ном ба чануб, котролаш зери шимол аст, Косимов медоанд чи кор кунад. Доляи болора дода бокимондаро накд ба шимол мебарад,

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!