Русский  >>  فارسی  >>  Чоршанбе 7 декабр 2016, 23:15

"Замондош": Додситони кулл -- сарватманди рақами 1-и Узбакистон

4 июн 2013, 11:06

Рашид Қодиров, додситони кулли Узбакистон, дар феҳристи номгӯи сарватмандони ин кишвар мақоми аввалро касб кардааст.

Бино ба иттилои торнамои “Замондош”, Рашид Қодиров замоне ба ин мақом расидааст, ки Гулнора Каримова, духтари раисиҷумҳури Узбакистон, як қисмати асосии сарвати худро дар натиҷаи пулшӯии Бонкҳои Шветсария аз даст дода буд.

Ин торнамо далели аслии аз рушд мондани иқтисоди Узбакистонро назорати қатъии кормандони додситонии ин кишвар алайҳи соҳибкорони узбак хондааст. “Зери назорату фишори мақомоти додситонӣ на танҳо соҳибкорону рӯзноманигорон, балки коршиносон низ қарор доранд”,- афзудааст “Замондош”.

Ба навиштаи “Замондош”, дар соли 2012 беш аз 20 ҳазор соҳибкор дар Узбакистон ба иттиҳоми содир кардани ҷиноятҳои иқтисодӣ паси панҷара нишастаанд.

“Замондош” навиштааст, ҳамзамон дар иқтисоди Узбакистон мавқеи ширкатҳои бузург, ки давоми 5-6 соли ахир зери идораи пайвандони додситони кулли ин кишвар, Рашид Қодиров, қарор доранд, устувор шуда, шумораи ширкатҳо ва инситутҳои молии марбут ба ин шахс дар ҳоли афзоишанд. Дар ҳоли ҳозир Қодиров дар феҳристи сарватмандони узбак дар мақоми аввал қарор дошта, ин торнамо боигарии ӯро 1 миллиард доллар хондааст.

Ёдрас менамоем, ҳудуди 600 то 700 миллион доллари Гулнора Каримова дар бонкҳои Шветсария ба ҳабс гирифта шудааст. Ин дар ҳолест, ки оилаи Қодиров дар беш аз 10 кишвари хориҷӣ ҳисоби бонкӣ ва ба номи худ амволи ғайриманқул доранд. Бахусус, дар Шветсария, Австрия, Ҷумҳурии Чех, Имороти Муттаҳидаи Араб ва Қибрис (Кипр).


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!