Русский  >>  فارسی  >>  Шанбе 10 декабр 2016, 00:17

Мунтахаби Тоҷикистон бори чаҳорум Афғонистонро шикаст дод

5 июн 2013, 09:14

Дастаи мунтахаби миллии футболи Тоҷикистон дар бозии дӯстона бо яккачини Афғонистон бо ҳисоби 3:2 дастболо шуд.

Ин бозии дӯстона 4-уми июн дар варзишгоҳи “Пахтакор”-и шаҳри Қӯрғонтеппа баргузор гардид. Бозигарони ҳарду даста дар нимаи аввали дидор ба дарвозаи якдигар дуголӣ заданд ва нимаи аввали сабқат бо ҳисоби 2:2 анҷом ёфт.

Бозигарони мунтахаби милли Тоҷикистон дар дақиқаи 74-уми нимаи дуюми дидор як голи дигар ба ҳадаф расонда, ҳисобро ба нафъи худ афзуданд.

Мунтахаби Тоҷикистонро дар ин сабқат Рустам Усмонов - менеҷер, Мубин Эргашев - иҷрокунандаи вазифаи сармураббӣ, Салоҳиддин Ғафуров - мураббии калон раҳбарӣ карданд.

Тими миллии Тоҷикистону Афғонистон то имрӯз се бор бо ҳам қувваозмоӣ кардаанд ва дар ин бозиҳо ҳамеша Тоҷикистон дастболо шудааст.

Натиҷаи дидорҳои қаблӣ чунин аст:

9-уми ноябри соли 2005. Бозии дӯстона дар шаҳри Душанбе баргузор шуда, бо ҳисоби 4:0 анҷом ёфт. Голҳоро Нӯъмонҷон Ҳакимов (28, 31), Хуршед Маҳмудов (45+1), Алиёр Ашӯрмамадов (67) ба нишон расонданд.

3-юми августи соли 2008. Дар доираи Ҷоми даъвати АФК ин ду тим дар Ҳайдарободи Ҳиндустон вориди рақобат шуданд. Натиҷаи ин бозӣ низ 4:0 ба нафъи Тоҷикистон буд. Юсуф Рабиев (14, 44, 56), Даврон Тухтасунов, (39) муаллифони голҳо буданд.

17-уми ноябри соли 2010. Бозии дӯстона дар шаҳри Душанбе. Ин дидор 1:0 хотима ёфт. Голи ягонаро Фаррух Чориев (33) зад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!