Як пора аз филми мавсум ба «Савгандшикаста», ки ба қалами нависанда Муҳиббулло Қурбонов таалуқ дорад, дар фурудгоҳи пойтахт ба навор гирифта шуд.
Тавре ба «Озодагон» аз маркази матбуотии фурудгоҳи байналмилалӣ иттилоъ доданд, ин тасмим ба муносибати 20- солаги ҷашни истиқлолияти Тоҷикистон, аз сӯи масъулини киностудияи «Тоҷикфилм» роҳандозӣ гардид.
Қаҳрамони асосии филм профессор Ансориён аст, ки носозгории муҳити хонаводагӣ ҳаёти ӯро дигар кардааст. Нақшҳоро ҳунармандони театр ва кино, Маҳмадсаид Пиров, Муҳаммадзоҳид Ашӯров, Обид Назаров, Таҳмина Раҷабова, Шӯҳрат Ҳалимов офаридаанд. Коргардони филми «Савгандшикаста» Раҷабалӣ Пиров мегӯяд,то имрӯз аз нисф зиёди филмро наворбардорӣ кардаанд.
Саҳнаҳои ҷолибу асосии филм дар шаҳрҳои Қайроқум, Чкаловск, Бобоҷон Ғафуров ва Хуҷанд рӯи навор омад. Барои нишон додани табиати нотакрори Тоҷикистон қисме аз саҳнаҳои филм дар дараҳои хушманзараи Варзоб, Ромит ва ағбаи Шаҳристон наворбардорӣ шудаанд. Пиров мегӯяд, дар назар аст филми мазкур то 20- солагии ҷашни истиқлолияти давлатии кишвар пешкаши тамошобин карда шавад.{jathumbnail off}
Мӯҳр