Русский  >>  فارسی  >>  Чоршанбе 7 декабр 2016, 23:15

Як шаҳрванди Узбакистон, ки ба ҷонибдорӣ аз мухолифини Сурия меҷангид, кушта шудааст

6 июн 2013, 11:17

Як шаҳрванди Узбакистон, ки дар сангари мухолифини ҳукумати Сурия меҷангид, кушта шудааст. Дар ин бора Институти Ховари Миёна дар Вашингтон ва ширкати "Флэшпоинт глобал партнерс"-и Ню-Йорк, ки ба омӯзиши мубориза бо терроризм муттамарказ шудаанд, хабар медиҳанд.

Дар гузориши муштараки онҳо гуфта мешавад, «давоми 11 моҳи охир дар Сурия 280 шаҳрванди хориҷӣ, ки бо ҳимоят аз мухолифин меҷангиданд, кушта шудаанд».

Гузоришгарони Институти Ховари Миёна ва ширкати "Флэшпоинт глобал партнерс" навиштаанд, ки бештари онҳо шомили гуруҳи террористии "Ҷабҳа ан-Нусра", ки ба «Ал-Қоида» марбут аст, будаанд.

Аз кишварҳои Шӯравии собиқ, ки зимни амалиётҳои ҷангӣ дар Сурия кушта шудаанд, коршиносон аз Озорбойҷон (як нафар) ва Русия (7), бо шумули Чеченистон, Доғистон ва Кабардино-Балкария ном бурдаанд.

Гузоришгарон гуфтаанд, иштироки шаҳрвандони ин кишварҳо дар амалиётҳои Сурия эҳтимол ба «наздикии ҷуғрофӣ» ва имкони озоди ба Сурия сафар кардан тариқи Туркия бошад. Ҳамчунин коршиносони Институти Ховари Миёна дар Вашингтон ва ширкати "Флэшпоинт глобал партнерс"-и Ню-Йорк ҳадс задаанд, ки шояд ин як навъ ҷавоб ба Маскав бошад, ки ба режими Башор Асад кумак мерасонад.

Миёни кишварҳое, ки шаҳрвандонаш бо ҳимоят аз мухолифони Сурия ҷангидаанд, аз Бритониёи Кабир, ИМА, Фаронса, Ирландия, баҳрайн, Дания, Булғористон ва Австралия ном бурда мешавад.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!