Русский  >>  فارسی  >>  Душанбе 23 январ 2017, 21:52

ВКД: Хонандаи синфи 4 дар Бадахшон бародарашро паронд

6 июн 2013, 15:04

Вазорати умури дохилии Тоҷикистон мегӯяд, дар ноҳияи Ишкошими вилояти Бадахшон як хонандаи синфи 4 бо истифода аз яроқи оташфишон, ки дар хонаводаашон ғайриқонунӣ нигоҳ дошта мешудааст, бародараш, хонандаи синфи 9-умро парондааст.

Ба иттилои ин ниҳод, рӯзи 2-юми июни соли равон, тахминан соати 12:00-дақиқа, ноболиғ Қурбонбеки Нуралӣ (соли таваллудаш 2001), сокини деҳаи Багуши ноҳияи Ишкошим, хонандаи синфи 5-уми мактаби миёнаи таҳсилоти умумии №27, бо ҳамроҳии бародари ноболиғаш Фариди Нуралӣ (соли таваллудаш 1997), хонандаи синфи 9-уми ҳамин мактаб, бо худ яроқи оташфишони тамғаи «ТОЗ-8», ки падарашон Бобоков Нуралӣ соли таваллудаш 1959, ғайриқонунӣ нигоҳ медоштааст, гирифта ба айлоқҷои «Чашма» мераванд.

Дар айлоқҷой аз беэҳтиётӣ Қурбонбеки Нуралӣ, бародараш Фариди Нуралиро бо истифода аз яроқи мазкур дар қафаси синааш захмдор намудааст ва дар натиҷа Фариди Нуралӣ ҷароҳати ҷисмонӣ бардошта, дар беморхона бистарӣ гаштааст.

Вазорати умури дохилии Тоҷикистон мегӯяд, айни ҳол далели шайъӣ гирифта шуда, ин ҳодиса мавриди санҷиш қарор дорад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Январ 2017    »
ДушСешЧорПанҶумШанЯкш
 1
2345678
9101112131415
16171819202122
23242526272829
3031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!