Русский  >>  فارسی  >>  Якшанбе 11 декабр 2016, 03:20

Киносозони украинӣ дар бораи Тоҷикистон филми мустанад омода мекунанд

15 июл 2011, 04:47

Ахиран дар пойтахти Украина, шаҳри Киев мулоқоти сафири Тоҷикистон дар ин кишвар бо соҳибкорони украинӣ баргузор шуд.


Шӯҳрат Султонов, дар назди тоҷирон суханронӣ намуда, ба густариши ҳамкориҳои иқтисодии ду кишвар, аз он ҷумла, дар соҳаи энергетика, саноат ва кишоварзӣ таваҷҷӯҳи хоса зоҳир намуд. Дипломати тоҷик ҳавасманд будани Тоҷикистонро ҷиҳати иштироки соҳибкорони украинӣ ба хотири татбиқ намудани лоиҳаҳои муҳими сармоягузорӣ ва таъсис додани корхонаҳои муштарак дар бахшҳои иқтисоди Тоҷикистон таъкид намуд.Дар рафти вохӯрӣ масъалаи дар назди сафорат таъсис додани шӯрои домии соҳибкорони Тоҷикистону Украина ба миён гузошта шуд, ки мақсад аз он ҳамоҳанг намудани фаъолияти соҳибкорони ду кишвар ва рушди самараноки ҳамкориҳои иқтисодӣ мебошад.
Тавре ба хабаргузории «Озодагон» аз дафтари матбуотии вазорати корҳои хориҷии Тоҷикистон иттилоъ доданд, дар баробари масъалаҳои ҳамкориҳои иқтисодӣ дар вохӯрӣ инчунин масоили марбут ба  инкишофи алоқаҳои гуманитарӣ, тавсеа бахшидан ба ҳамкориҳои мутақобилан судманд дар соҳаҳои ҳуқуқ, фарҳанг ва маориф муҳокима шуданд. Тасмим гирифта шуд, ки дар арафаи ҷашнгирии 20-солагии истиқлолияти ҷумҳурии Тоҷикистон дар ҳамкорӣ бо ширкати телевизионии Украина барномаи махсус ва филми мустанад  дар бораи Тоҷикистон омода хоҳанд гашт.Дар рафти мулоқот ҷонибҳо дар якҷоягӣ бо аъзои созмони ҷамъиятии кумитаи ҳамёрии “Украина-Тоҷикистон” ба қароре омаданд, ки ҷиҳати дастгирии ҳуқуқи муҳоҷирони тоҷик аз ҳисоби ҳуқуқшиносон гурўҳе таъсис медиҳанд. Ҳамчунин, ҷиҳати рушд ва тарғиби фарҳанг, санъат ва забони тоҷикӣ қарор шуд, ки дар назди сафорат ансамбли рақсии кӯдакона ва курсҳои таълими забонҳои тоҷикӣ ва форсӣ ташкил хоҳанд ёфт.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!