Русский  >>  فارسی  >>  Якшанбе 4 декабр 2016, 17:12

Дар сӯхтори нуқтаи сӯзишворӣ се нафар маҷруҳ шудаанд

6 июн 2013, 17:51

Вазорати умури дохилии Тоҷикистон мегӯяд, дар сӯхтори рӯзи 5-уми июн дар нуқтаи фурӯши маводи сӯхт дар Душанбе ду корманди ин нуқта ва як корманди хадамоти оташнишонӣ ҷароҳати вазнин бардоштаанд.

Ба гуфтаи манбаъ, дар марҳилаи аввали ба вуқӯъ пайвастани ҳодисаи сӯхтор соҳибмулк Садриддин Меликов ва посбони нуқтаи фурӯши сӯзишворӣ Бадриддин Қодиров ҷароҳатҳои вазнини сӯхтагии бадан гирифта, ба беморхонаи клиникии №3 шаҳри Душанбе бистарӣ карда шуданд. Ҳамчунин аз дуди ғализ як нозири калони Хадамоти давлатии оташнишонии ноҳияи Сино заҳролуд шуда, ба беморхонаи мазкур интиқол дода шудааст. Дар мавриди зарари моддии сӯхтор вазорат мегӯяд, аз ҳарорати баланди гармӣ ва алангаи оташ як адад нақлиёти маводи сӯхткаши тамғаи ЗИЛ -130 низ сӯхта зарар дидааст.

Ба иттилои ВКД дар хомӯш намудани сӯхтор 97 нафар аз ҳайати шахсӣ ва роҳбарикунандаи мақомоти оташнишонӣ ва зиёда аз 20 кормандони милитсия саҳм гирифта, 12-адад зарфро бо 25 тонна маводи сӯхт аз таркиш ва паҳншавии алангаи оташ эмин доштаанд.

Сарчашмаи хабар илова намуд, ки бино ба таҳқиқи коршиносон аз сабаби риоя накардани қоидаҳои бехатарӣ ҳангоми аз зарфи нигоҳдории маводи сӯхт рехтани маводи сӯзишворӣ ба нақлиёт сӯхтор сар задааст ва айни ҳол ҳаҷми зарару гунаҳгорон муайян шудааст.

Ёдовар мешавем, рӯзи 5-уми июни соли равон, соати 13:10-дақиқа, дар нуқтаи фурӯши сӯзишвории “Заргар”, воқеъ дар кӯчаи Карамов 70-и ноҳияи Исмоили Сомонии шаҳри Душанбе сӯхтор сар зад, ки масоҳати он беш аз 400 метри мураббаъро ташкил дод.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!