Русский  >>  فارسی  >>  Сешанбе 6 декабр 2016, 20:57

"ал-Ҳаёт": Сулҳ дар Тоҷикистон хидмати ду тараф буд

6 июн 2013, 19:39

Рӯзномаи умумиарабии "ал-Ҳаёт", 3-юми июн дар бораи тоҷикон, Тоҷикистон ва китоби "Хазинаи тиллоии тоҷикон" мақолаи калонҳаҷме чоп кардааст.

Тавре Вазорати умури хориҷии Тоҷикистон иттилоъ медиҳад, баъди зикри таърихи бузурги тоҷикон муаллифи мақола ба таърихи навини тоҷикон рӯ оварда, навиштааст, ки мутаассифона дар оғози истиқлолият Тоҷикистон дучори ҷанги дохилӣ шуд.

Вазорати умури хориҷии Тоҷикистон аз қавли рӯзномаи “ал Ҳаёт” овардааст, ки "баргардонидани ҳаёт ба маҷрои табиӣ хидмати пешвоёни ҳар ду тараф ва шахсан хидмати Президент Эмомалӣ Раҳмон мебошад, ки тавонист кишварро аз фалокати афғонишавӣ ва ё сомалишавӣ ва кишварҳои дигар, ки аз паи ҷангҳои дохилӣ хароб шудаанд, наҷот диҳад.”

Ба иттилои ВКХ “ал Ҳаёт” навиштааст, “Эмомалӣ Раҳмон буд, ки ба муқовимати сахти ҳатто тарафдорони худ нигоҳ накарда, исрор карда буд, то дар кишваре, ки нав аз сотсиализм баромада буд, Конститутсия фаъолияти сиёсии ҳизби диниро (исломӣ) пешбинӣ кунад."

Дар бораи таърихи тоҷикон муаллифи мақола аз ҷумла навиштааст, ки дар ҷаҳони андешаи тамаддуни исломӣ имом Муҳаммад ибни Исмоили Бухорӣ муаллифи "Саҳеҳ", фақеҳон ва муаллифони тафсир ба монанди Абу Лайси Самарқандӣ ва Абу Мансури Мотридӣ аз фарзонагони асри даҳ, Абу Райҳони Берунӣ, шайху-р-раис Абу Алӣ ибни Сино ва бунёнгузори низоми донишгоҳҳои исломӣ дар ҷаҳони ислом Абулҳасан ибни Алӣ, ки бо тахаллуси хоҷа Низомулмулк маъруф мебошад, муаллифи "Эҳёи улуми дин" аллома Абу Ҳомиди Ғаззолӣ, ки дар донишгоҳи "Низомия"-и Низомулмулк дар қатори дигарон дарс хондааст ва даҳҳо нафар дигарон, аз ниёгони тоҷикон буда, дар айни замон мояи ифтихори ҳама мусулмонон ва инсоният мебошанд.

Сипас муаллифи мақола ба муаррифии китоби "Хазинаи тиллоии тоҷикон" пардохта, ба хонанда дар бораи китоб махсусан ва маданияти тоҷикон умуман, маълумоти арзанда манзур намудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Муҳаммадсаид

  • 7 июн 2013 05:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом дустон ва хонандагони гиромӣ..!
Ман барои дарёфти манбаъи ин хабар кумак мехоҳам, зеро ҳар қадар, ки ба рузномаи ал-ҳаёти арабӣ муроҷиат кардам, хабаре ба ин унвон пайдо накардам.
Танҳо ин ду хабар:
-Яктояш сабаби баста шудани сомонаи youtube дар Тоҷикистон рақси раиси Ҷумҳури он дар туи писарсш
-Ва дигар қарор додани Тоҷикистон дар радифи кишварҳои диктотурии ғайри демократӣ дар соли 2013 аз тарафи хонаи озодии(Freedom House) Америка-ташкилоти ҳимояи ҳуқуқу озодиҳои башар.
Дигар чизе наёфтам..
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар чумлаи "баргардонидани ҳаёт ба маҷрои табиӣ хидмати пешвоёни ҳар ду тараф ва шахсан хидмати Президент Эмомалӣ Раҳмон мебошад, ки тавонист кишварро аз фалокати афғонишавӣ ва ё сомалишавӣ ва кишварҳои дигар, ки аз паи ҷангҳои дохилӣ хароб шудаанд, наҷот диҳад.” вокеъан нутки айнаннаклшудаи ВУХ бошад пас вой бар ахволи ин вазорат, ки аз гирифтани номи тарафи дигар аниктараш номи устоди мархум Саид Абдуллохи Нури худдори кардааст. Худоё тоифаеро чи шуда бошад, ки аз ислому аз номи устод С.А.Нури ин кадар харос доранд. Ё шояд рузномаи “ал Ҳаёт” низ номи устодро зикр накарда бошад?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бо арзи салом ва адаб хидмати хамватанони азиз! Читавре, ки ба хамаи мо маълум аст дар кишвари мо чанги шахрванди ба вукуъ омада буд ва ин яке аз сахифахои сиёхи таърихи мо буд ва хеч кас инро инкор карда наметаваонад ба хамаи ин нигох накарда мо точикон тавонистем сулх кунем.Дар айнихол бошад тарафхои даргири собик мехоханд,ки накши ин ё он шахсро бузрг намоиш диханд,ки фалони бештар ба сулх кардан майл дошту фалони камтар лекин як далели кавиро ишон дода наметавонанд, ки фалони масалан дар фалон масъала гузашт ба хотири сулх кард.Лекин читавре, ки иштирокчиёни музокирот дар китобхояшон навиштаанд ва мегуянд: - вакте ягон хуччатро барои имзо кардан назди Абдулои Нури меовардем, савол мекарданд, ки хамин хуччат ба фоидаи миллат аст, мо егуфтем, ки бале, нохонда он хуччатро имзо мекард. Барои хамин ва намешаад,Ки ду шахс Созишномаи истикрори сулхро имо карда бошанду ба яктоаш кахрамон дихему ба дигараш не, ин бе адолатист.
Посух додан
  • KL

  • 10 июн 2013 07:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
"Пешво"-е, ки ба худаш каср месозад, пешво нест, аз А. Нури хам авлиё насозеду аз дигараш хам. Агар мардуми точик феъли афгону зангихо медошт, дар ду дунё сулх намешуд. Сулх иродаи худи мардум буд.
Посух додан
  • bishkek

  • 15 сентябр 2013 03:21
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
barodaron yaktaraf nakashed vakteki hak mekhohed hardutarafro nigoh karda khatohoro gued

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!