Русский  >>  فارسی  >>  Якшанбе 4 декабр 2016, 11:05

Тоҷикистон ба Ҷопон сармоягузории се лоиҳаи бузургро пешниҳод кард

7 июн 2013, 10:13

Низом Ҳакимов, вазири нақлиёти Тоҷикистон, дар мулоқот бо Иида Джи, сардори намояндагии Агентии байналмилалии Ҷопон, «JICA» дар Душанбе пешниҳод кардааст, ки агентӣ дар татбиқи лоиҳаҳои нави нақлиётии кишвар ширкат кунад.

Тибқи иттилои Вазорати нақлиёти Тоҷикистон, аз ҷумла бо Ҷопон маблағгузории сохтмони роҳи оҳани Тоҷикистон – Афғонистон – Туркманистон, лоиҳаи таҷдиди роҳи автомобилгарди Душанбе – Қӯрғонтеппа – Данғара – Кӯлоб, лоиҳаи таҷдиди Фурудгоҳи байналмилалии Хуҷанд ба миён гузошта шуданд.

Иида Джиро қайд намудааст, ки барои таҷдиди Фурудгоҳи байналмилалии Хуҷанд дархост пешниҳод гардидааст ва тибқи он ҳуҷҷатҳои лозимӣ омода шудаанд ва ин масъала дар ояндаи наздик баррасӣ хоҳад шуд.

Дар ин вохӯрӣ инчунин масоили мумфаршкунии қабати дуюм дар роҳи Дустӣ- Панҷи Поён, дархост оид ба расондани кумаки грантӣ барои барқарор намудани 4 пул аз болои дарёи Тепалай дар Кӯлоб, ки ҳангоми сар задани офати табиӣ вайрон шуданд, баррасӣ гардидаанд.

Ҷониби JICA иброз доштааст, ки оид ба ин масъалаҳо ба Идораи асосии агентӣ ҳуҷҷатҳо равона шудаанд, вале ҳанӯз ҷавобашон нарасидааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!