Русский  >>  فارسی  >>  Якшанбе 4 декабр 2016, 13:11

Малика ва Сабина Араловаҳоро дар 190 кишвари дунё меҷӯянд

10 июн 2013, 11:41

Малика ва Сабина Араловаҳоро дар 190 кишвари дунё меҷӯянд

Вазорати умури дохилии Тоҷикистон барои пайдо кардани Малика ва Сабина Араловаҳо, ки ҳанӯз моҳи март дар Душанбе гум шудаанд, ба пулиси байналмилалӣ ё Интерпол муроҷиат кардааст.

Давлат Назаров, муовини сардори Хадамоти ҳуқуқвайронкунӣ миёни ноболиғон ва ҷавонони Вазорати умури дохилӣ, дар сӯҳбат ба “Озодагон” гуфт, феълан онҳо маълумот дар бораи Малика ва Сабинаро ба намояндагиҳои пулиси байналмилалӣ ба 190 кишвари дунё фиристодаанд. Ӯ изҳори ташвиш кард, ки бо вуҷуди талошҳои пайваста то имрӯз дар мавриди Малика ва Сабина ҳеч иттилои мусбат дастрас накардаанд.

Малика ва Сабина Араловаҳо рӯзи 25-уми март аз назди манзили зисти худ, дар наздикиҳои маркази савдои “Садбарг”-и Душанбе ғайб заданд. Ба ин қазия моҳи апрели соли ҷорӣ Эмомалӣ Раҳмон, раисиҷумҳури Тоҷикистон, ҳам дахл карда, онро аз ҷумлаи ҷиноятҳои доғдоркунандаи номи давлату миллат ва мақомоти ҳифзи ҳуқуқ арзёбӣ кардааст. Ӯ аз сохторҳои қудратии кишвар даъват карда буд, барои пайдо намудани Малика ва Сабина, ду ноболиғи гумшуда дар Душанбе, чораҳои заруриро биандешанд.

Улуғбек Аралов, падари Малика, мегӯяд, бо вуҷуди нокомии мақомот барои пайдо кардани духтараш ҳанӯз умедро аз даст надодааст. Вай гуфт, барои ҷустуҷӯи духтараш тамоми талошашро хоҳад кард.

Тибқи иттилои Вазорати умури дохилӣ, шурӯъ аз соли равон дар ҳудуди Тоҷикистон 95 ноболиғ нопадид шудаанд, ки мақомот 81 нафари онҳоро пайдо намудаанд.



Шарҳи худро бинависед:

Ном:*
E-Mail:
Матни шарҳ:
Посух додан
  • Интерпол

  • 12 июн 2013 15:29
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин ду кудаки маъсумро аз 189 кишвари дунё не.. аз хамин дохили кишвар бояд чустучу кард ..ки дар 20 соли истиклолият да Душанбе ин кадар дангу гарангу хуношому мугулу .. фиси бинияко ман мани када мегарданду ахли фархангу дониш хоранд ки дар хеч кишвари дунё ин чиза мушохида намекунем... аз таги сангу курсангу кулуху тапак катагану карлуку пачаку мачако ба шахри тоза дурусткардаамон ин кадар рехтандки..сару хисобамон гум шуд.. то иноя хазм мекунем ки бо хамон чандин даха лозим...

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!