Русский  >>  فارسی  >>  Якшанбе 4 декабр 2016, 06:55

Чаро маросими ифтитоҳи чархаи дувуми “Сангтӯда 2” баргузор нашуд?

10 июн 2013, 18:04

Қарор буд, чархаи дувуми нерӯгоҳи “Сангтӯда 2” бо ҳузури Эмомалӣ Раҳмон ва Маҳмуди Аҳмадинажод моҳи марти соли ҷорӣ баргузор шавад. Аммо ин маросим ба таъхир гузошта шуд. Нерӯгоҳи “Сангтӯда 2” бо сармояи Тоҷикистону Эрон бунёд ёфта, 12,5 сол дар ихтиёри Теҳрон ва сипас ба ихтиёри Душанбе вогузор хоҳад шуд. “Озодагон” аз соҳибназарону масъулин пурсид, ки чаро ифтитоҳи чархаи дувуми “Сангтӯда 2” ба таъхир меуфтад?



Азизмат Имомов, вакили Маҷлиси Намояндагон:

“Ба назари ман, сабаби расман ба истифода надодани нерӯгоҳи “Сангтӯда 2” шояд маъракаи интихоботи раёсати ҷумҳур дар Эрон бошад. Чунки қаблан эълон шуда буд, ки нерӯгоҳи мазкур бояд бо ҳузури Эмомалӣ Раҳмон, раисиҷумҳури Тоҷикистон ва Маҳмуди Аҳмадинажод, раисиҷумҳури Эрон, бояд сурат бигирад. Акнун, ки маъракаи сиёсии Эрон пеш омад, шояд то баргузории он ифтитоҳи нерӯгоҳи “Сангтӯда 2” ба таъхир афтад.”

Нозирҷон Ёдгорӣ, сухангӯи Барқи тоҷик:

“Нахуст бояд гуфт, ки ин нерӯгоҳ дар ихтиёри Тоҷикистон нест. Мутобиқи шартномаи «Сангтӯда 2» то 12,5 соли дигар дар ихтиёри Эрон буда, баъдан моли Тоҷикистон хоҳад шуд. Бояд гуфт, ки Душанбеву Теҳрон дар бахши энержӣ ҳамкории хуб доранд. Новобаста аз қарзи «Барқи тоҷик» назди Эрон, ҳамкориҳои мо идома дорад. Дар асл барқ худ ҳамин хел хусусият дорад, ки аввал интиқол дода мешавад, баъд маблағ ҷамъоварӣ мешавад.

Ғуломиддин Сайфиддинов, таҳлилигари масоили энержӣ:

“Мушкили сари вақт расман ба истифода надодани “Сангтӯда 2” ин қарзи ширкати “Барқи тоҷик” назди эрониҳо мебошад. Дар сурате ки маблағ набошад, кор ҳам идома намеёбад. Ин кор даст намедиҳад, чунки қарзи “Барқи тоҷик” 15 ва ё 16 миллион доларро ташкил медиҳад. Тоҷикистон аз Афғонистон ҳатман маблағ мегиранд, аммо он ба кисаи кӣ меравад, мо намедонем. Мушкили аслии сари вақт расман ифтитоҳ нашудани “Сангтӯда-2” ин ба мувофиқа нарасидани масъулини тоҷик мебошад. Мо бояд аз “Барқи тоҷик” талаб кунем, ки ин қадар пул ба куҷо рафтааст?”


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!