Русский  >>  فارسی  >>  Ҷумъа 9 декабр 2016, 18:25

Саудӣ квотаи ҳоҷиёни қирғизро кам кард. Тоҷикистону Узбакистон: Ҳанӯз номае нагирифтаем

12 июн 2013, 10:47

Мақомоти Қирғизистон мегӯянд, шумораи ҳоҷиёни ин кишвар дар мавсими “Ҳаҷ-2013” нисбат ба солҳои қаблӣ 20 дарсад коҳиш меёбад.

Бино ба иттилои расонаҳои қирғизӣ, Идораи дини Қирғизистон гуфтааст, ин ниҳод аз Арабистони Саудӣ дар мавриди коҳиши шумораи квота барои ҳоҷиёни қирғиз расман нома гирифтааст.

Ба гуфтаи ниҳоди мазкур, дар ин нома омадааст, кам гардидани теъдоди квота танҳо барои Қирғизистон набуда, ба дигар кишварҳо низ рабт дорад: “Азбаски дар фурудгоҳи Ҷидда ва Мадина корҳои бозсозӣ ҷараён дорад, шумораи иштирокдорони мавсими “ Ҳаҷ-2013” то 20% кам карда мешавад.”

Аммо Кумитаи умури дини назди президенти Узбакистон мегӯяд, онҳо ҳанӯз дар ин бора номае аз Арабистони Саудӣ нагирифтаанд. Ба гуфтаи масъулони Кумитаи дини Узбакистон, ин ниҳод ҳоло барои гузаронидани мавсими “Ҳаҷ-2013” омодагӣ мебинад ва қарор аст, дар он беш аз 5 ҳазор шаҳрванди узбак иштирок кунад.

Дар ҳамин ҳол, як намояндаи Кумитаи умури дини Тоҷикистон дар суҳбат ба “Озодагон” гуфт, аз эҳтимол коҳиш ёфтани квота барои ҳоҷиёни тоҷик хабар доранд, вале дар ин бора ҳанӯз номаи расмие ба унвони ин ниҳод наомадааст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!