Русский  >>  فارسی  >>  Сешанбе 6 декабр 2016, 07:47

АКС: Як хонаводаи тоҷикистонӣ, ки Сурияро тарк карда буд, ба Душанбе расид

13 июн 2013, 10:15

Шаш узви як хонаводаи тоҷикистонӣ, ки 16 рӯз қабл тавассути ҳавопаймои Вазорати ҳолатҳои фавқулодаи Русия аз Сурия ба Маскав оварда шуда буданд, шоми 12-уми июн ба Душанбе расиданд.

Инҳо -- Тӯйчӣ Раҳимов, Гулхумор Маҳмадрасулова, Фотима, Абӯбакр, Умар ва Усмонанд, ки се соли охир дар Димишқ, маркази Сурия, мезистанд.

Тӯйчӣ Раҳимов, падари хонавода, аз ин ки аз як макони ҷангзада ба ватанаш бозгаштааст, хушҳолӣ кард. Ӯ гуфт, “мо аввал дар маркази Сурия зиндагӣ мекардем. Дар он ҷо ҷанг камтар буд. Вақте аз марказ ба шаҳри Лозиқия, лаби Баҳри Миёназамин, омадем, ҷангу куштор ва даргириҳоро бо чашми худ дидем. Ин барои мо хатарнок буд.”

Оқои Раҳимов дар идома гуфт, нахуст дар Эрон ихтисоси хуқуқшиносиро гирифта, баъдан барои такмили забони арабияш ба Димишқ рафтааст. Ӯ мегӯяд, дар он ҷо ба ҳайси тарҷумон кор мекард ва фарзандонаш дар мактаби ҳукуматӣ таҳсил доштанд. “Феълан мо бо пулу мол ба Тоҷикистон барнагашта бошем ҳам, пур аз илму фарҳанги нав ба кишвар баргаштем”,-афзуд ӯ.

Гулхумор Маҳмадрасулова, модари хонавода, низ аз ин бозгашти оилааш хурсандӣ дошт ва гуфт, қарор аст, онҳо ба рустои Дегайи ноҳияи Нуробод рафта, манзили нимвайронаашоно обод намоянд. Зеро ба гуфтаи ӯ, “хонае, ки дар рустои Дегайи ноҳияи Нуробод доштем, дар заминларза каме вайрон гардидааст. Мо ба он ҷо рафта, дар ҳамон хонаи худ зиндагиро идома медиҳем ва фарзандон барои идомаи таҳсил ба мактаби ноҳияи Нуробод мераванд.”

Ин хонавода барои истиқбол дар Маскав ва гуселашон ба Тоҷикистон аз намояндагони сафорати ин кишвар дар Русия изҳори сипос карданд. Тӯйчӣ Раҳимов гуфт, онҳо тӯли 16 рӯз дар Маскав буданд ва далелаш ҳам ин аст, ки барои харидани чипта ё билети ҳавопаймо маблағи кофӣ надоштанд ва писари хурдияш низ бемор буд.

“Сафорати Тоҷикиcтон дар Русия ба мо билет гирифта, ба Тоҷикистон фиристонд. Мо 16 рӯз дар меҳмонхонаи "Тоҷикистон"-и шаҳри Маскав истиқомат намудем. Минатдории худро ба Сафорати Тоҷикистон дар Русия ва Хадамоти муҳоҷират ва раҳбарияти меҳмонхона мерасонем, ки аҳли оилаи моро хуб пешвоз гирифта, дар мудати ин ду ҳафта меҳмондорӣ намуданд”,-илова кард ӯ.


АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид

АКС: Як хонаводаи тоҷикистонӣ, ки Сурияро тарк карда буд, ба Душанбе расид


Шарҳи худро бинависед:

Ном:*
E-Mail:
Матни шарҳ:
Посух додан
  • Темурмалик

  • 13 июн 2013 11:59
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хуш омадед, азизон! Мудом дар офият бршед!
Посух додан
  • mirzo

  • 15 июн 2013 07:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
خوش آمدید، خوشنود هستیم!

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!