Русский  >>  فارسی  >>  Якшанбе 4 декабр 2016, 11:09

«Қирғизистон захираи хунашро ба кишварҳои дигар намедиҳад, ин як бахши амнияти миллӣ аст»

14 июн 2013, 10:47

Маркази ҷумҳуриявии хуни Қирғизистон ҳамеша захираи лозимаи хунро дорад. Ба ҷуз ин захираи хун барои ҳолатҳои фавқуллода низ мавҷуд аст. Дар ин бора Бакит Қарабоев, мудири кулли ин марказ хабар додааст.

Номбурда, ки дар ҳамоише бахшида ба Рӯзи ҷаҳонии донорҳои хун суҳбат мекард, гуфтааст, аз баски Маркази ҷумҳуриявии хун иншооти муҳим аст, ҳаҷми дақиқи хуни захираро наметавонад ошкор созад.

Аммо Бакит Қарабоев аз нарасидани донорҳои хун изҳори нигаронӣ кардааст. Тибқи тавсияи Созмони ҷаҳонии беҳдошт ба ҳар ҳазор аҳолӣ бояд аз 40 то 60 донор рост биёяд, аммо дар Қирғизистон ин нишондод хеле кам буда, ба ҳазор нафар танҳо шаш донор дуруст меояд. «Ба ин хотир мо аксияҳои мухталиф баргузор мекунем, то таваҷҷуҳи шаҳрвандон, созмонҳои давлатӣ ва ғайридавлатиро ба ин масъала ҷалб созем. Онҳо бояд аз ин мушкил хабар дошта бошанд. Ин проблема барои он пайдо мешавад, ки доруҳои аз хун омодашаванда, танҳо аз хуни инсон таҳия мешаванд. Чунин мушкил на танҳо дар Қирғизистон, балки дар тамоми ҷаҳон вуҷуд дорад», - гуфтааст мудири кулли Маркази ҷумҳуриявии хуни Қирғизистон.

Ӯ илова кардааст, ки донорҳо сарвати давлатанд ва агар рафту дар кишвар кадом як ҳолате сар занад, ҳеч ҷумҳурии дигар хуни худашро намедиҳад: «Қирғизистон захираи хунашро ба кишвари дигар намедиҳад ва ин яке аз бахшҳои амнияти миллӣ аст».



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!