Русский  >>  فارسی  >>  Ҷумъа 9 декабр 2016, 20:24

Кабирӣ: Ҳар ҷазои сахттареро таҳаммул мекунам, ба ҷуз узрхоҳӣ!

14 июн 2013, 11:42

Муҳиддин Кабирӣ, вакили Маҷлиси Намояндагон ва раиси Ҳизби наҳзати исломии Тоҷикистон, мегӯяд, ба ҳеч ваҷҳ аз шаҳрдории Душанбе барои ҳарфҳояш дар мавриди дарахтбурӣ дар пойтахт маъзаратхоҳӣ нахоҳад кард.

Ин дар ҳолест, ки Додгоҳи ноҳияи Исмоили Сомонӣ бо ирсоли як нома аз оқои Кабирӣ хостааст, то рӯзи 17-уми июни соли ҷорӣ қарори додгоҳро дар мавриди узрхоҳияш аз шаҳрдории Душанбе иҷро намояд. Аммо Муҳиддин Кабирӣ рӯзи 14-уми июн дар сӯҳбат ба “Озодагон” гуфт, “қаблан эълон карда будам, ки ҳеч узрхоҳӣ нахоҳад буд. Агар мақомоти судии кишвар барои иҷро накардани ин талаботи додгоҳ ҳар ҷазои сахттареро эълон кунад, омодаам иҷро кунам, аммо узрхоҳӣ нахоҳам кард.”

Соли гузашта ҳукумати Душанбе ба додгоҳ шикоят бурда, талаб намуд, ки Муҳиддин Кабирӣ барои суханони "носазо" дар бораи вазъи экологии пойтахт, аз шаҳрдорӣ маъзаратхоҳӣ кунад. Асоси даъвои шаҳрдорӣ як матлабе, таҳти унвони “10 сол пас Душанбе урён мешавад” буд, ки дар он Муҳиддин Кабирӣ аз дарахтбурӣ дар хиёбонҳои пойтахт изҳори ташвиш мекард.

Додгоҳи Исмоили Сомонӣ 29-уми январи соли ҷорӣ қарор кард, ки бояд барои суханҳояш дар бораи вазъи экологии Душанбе, раҳбари ҲНИТ аз тариқи васоити ахбори умумии кишвар, аз шаҳрдорӣ узрхоҳӣ намояд.

Бузургмеҳр Ёров, вакили мудофеи Муҳиддин Кабирӣ, мегӯяд, ин ҳукми Додгоҳи ноҳияи Исмоили Сомонӣ хилофи қарори Додгоҳи олист, ки соли 2011 қабул шудааст. “Додгоҳи олӣ бо қабули қарор «Дар бораи таҷрибаи додгоҳӣ оид ба ҳимояи шаъну шараф ва эътибори корӣ» узрхоҳии иҷбории шаҳрвандонро назди шахсият ва ё давлат комилан манъ кард. Аз ин хотир ҳукми додгоҳи Сомонӣ хилофи меъёрҳои қонунгузории кишвар мебошад. Илова бар ин, узрпурсии шаҳрвандро Кодекси шаҳрвандӣ низ муқаррар накардааст”,-таъкид кард вакили мудофеи Муҳиддин Кабирӣ.

Аз ин пештар Бузургмеҳр Ёров таъкид карда буд, ки дар сурати ҳал нашудани баҳси нафари таҳти ҳимояташ бо шаҳрдории Душанбе, маҷбуранд ба кумитаи Созмони Милал оид ба ҳуқуқи башар дар Женева муроҷиат кунанд.

Дар акс: Муҳиддин Кабирӣ, узви Маҷлиси Намояндагон ва раиси Ҳизби наҳзати исломии Тоҷикистон


Шарҳи худро бинависед:

Ном:*
E-Mail:
Матни шарҳ:
Посух додан
  • Mustafo

  • 14 июн 2013 15:37
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Muhiddin Kabiri muvaffaq boshed. Khudovand ba shumo kumak kunad.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
салом устод Худо ба ҳамроҳат шумо бо ин коратон ҳайбати дуруғини ин мансабпарастони мутакаббиро шикаста истодаед. ба пеш ҳар лаҳзаи мавзегирии шумо пирузист агарчӣ дар зоҳир шикаст хурда бошед
Посух додан
  • Umar

  • 16 июн 2013 10:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Sarbaland boshed ustod Kabiri, mo dar nazdi hej maxluqi uzr naxohem pursid, dar hole, ki hamai in hukumatdoroni mo az kibru gurur harf mezanand, bexabar az on, ki uzrxohi haqqi onhost ...
Посух додан
  • Мах

  • 15 август 2013 14:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Боракааллох хак бар чонибат Кабири
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Устод кам набоши гуфти гапо Шери наренда))) рости харборе часуру сабуритона мебинм мефахрм ки точикм я хуккмати калона як Устоди арзанда Кабири Тарса он чунон дар дилшон чо кардаст ки аз хайбату шухрати ин марди арзанда хукумат бахонахое мекобад ки кулаки синфи 1 бовар намекна
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Хукуматдори бо тарафкашию махалбозияшон бояд аз ахли мардум узр пурсанд. Хукумат аввал хукумат бошад, ки ба хамма як хел нигох кунад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!