Русский  >>  فارسی  >>  Шанбе 29 апрел 2017, 22:34

Интиқод аз кори сафири Қирғизистон дар Душанбе

14 июн 2013, 15:50

Омурбек Текебоев, вакили парлумон ва раиси ҳизби “Ота Макон”-и Қирғизистон, дар ҷаласаи ҳизбаш аз фаъолияти Урмат Саралаев, сафири Қирғизистон дар Тоҷикистон, интиқод кардааст.

Текебоев зимни ҷаласаи ҳизбаш таъкид кардааст, ки номи Урмат Саралаевро касе намедонад. “Ин ном на ба вакилон ва на рӯзноманигорон шинос нест, зеро ӯ корашро дар сатҳи лозима иҷро накардааст”,-гуфтааст ӯ.

Раҳбари “Ота Макон” аз он изҳори нигаронӣ кардааст, ки то ҳол маълум нест, Саралаев барои роҳандозии равобити дӯстона миёни сокинони наздимарзии Тоҷикистону Қирғизистон чӣ чораҳо андешидааст. Ин интиқоди Омурбеков баъд аз боздидаш аз минтақаҳои наздимарзии Тоҷикистону Қирғизистон сурат гирифт. Омурбек Текебоев дар суҳбат бо сокинони наздимарзии Қирғизистон ваъда додааст, ҳамаи талаботашонро ба роҳбарияти кишварашон мерасонад.

Тоҷикистону Қирғизистон тӯли 970 километр марзи муштарак доранд, ки аз он 567 километраш аломатгузорӣ шудаасту халос. Ин номуайянӣ боис мегардад, ки миёни сокинони наздимарзӣ мунтазам даргириҳо сурат гиранд. Вале ахиран раиси вилояти Суғд -- Қоҳир Расулзода аз маҳалҳои баҳсноки марзӣ боздид карда ва гуфт, як ваҷаб марзи кишварро ба бегонагон намедиҳанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!