Бахшҳо

Чаро пайвандони мансабдорони тоҷик “дастдарозанд”?

Дар Тоҷикистон афроди наздик ба мақомдорон ҳар мушкилу кори худро бо истифода аз ному мақоми онҳо ба осонӣ ҳал мекунанд. Агарчӣ ҳалли чунин мушкил барои сокинони одии кишвари кори саҳлу соддае нест. “Озодагон” аз се таҳлилгар ҷавоби ин суолро пурсид, ки чаро наздикони мансабдорон дастдарозанд?


Фирӯз Саидов, таҳлилгари Маркази тадқиқоти стратегии Тоҷикистон:

“Аз мақоми мансабдорон сӯистифода кардани наздикону пайвандонашон ба мардуми мо аз замони Шӯравӣ мерос мондааст. Дар давлати Шӯравӣ ҳам буданд онҳое, ки аз мақоми дӯстонашон истифода карда, корҳои худро ба сомон мерасониданд. Ҳоло бошад, дар баъзе аз ҳолатҳо вазирону раисон намедонанд, ки дӯстону наздикони онҳо сӯистифода аз вазифаи эшон мекунанд. Аслан ин падида на танҳо дар Тоҷикистон, балки дар тамоми кишварҳои Осиёи Марказӣ идома дорад. Дар кишварҳои шарқӣ нисбат ба давлатҳои Ғарбу Аврупо ин раванд бештар ба чашм мерасад.”

Воҳидхони Қосиддин, як масъули ҲНИТ:

“Мутаассифона, ин кор ҳоло ба авҷ расидааст. Вазъият чуноне шуда, ки гӯиё ҳама кор барои дӯстон ва наздикони мансабдор дар Тоҷикистон раво бошад. Ҳамаи қонунро поймол мекунанд, барои манфиати худ, манфиати оила. Ин аст, ки сатҳи фасод дар кишвар афзоиш ёфта, боиси ба ақиб рафтани мо шудааст. Бо ин шаклу тафаккур мо ба ҳеч куҷо намеравем. Ин мушкил ҳалли худро он замон пайдо хоҳад кард, ки агар мансабдорони имрӯзаи давлатии мо курсии худро тарк кунанд. Шояд бо сари мансаб омадани кадрҳои ҷавон ва берун аз доираи тафаккури хешутаборчигӣ, тавонанд вазъиятро тағйир бидиҳанд.”

Файзиннисо Воҳидова, вакили мудофеъ:

“Дар баъзе ҳолат мардуми мо аз он фахр ҳам мекунанд, ки гӯиё хешутабори тавоное сари курсӣ доранд. Одат ва ё худ менталитети тоҷикона шудааст. Имрӯз мебинем, ки дар кадом бахше набошад, наздикон, дӯстон ва пайвандони раисону вазирон корҳои худро осон “ҳал” мекунанд. Албатта, ин раванд пайомади хуб надорад. Ба назари шахсии ман, агар бахши иҷтимоии кишвар як каме беҳтар шавад, мушкили аслӣ ҳалли худро пайдо хоҳад кард. Ҳоло тамоми мансабдорони мо як ҳадаф доранд, ин ҳам ба даст овардани манфиатҳои хеш бо роҳи муфт. Аз ин хотир барои бартараф кардани ин мушкил мо бояд бахши иҷтимоиро фаъол гардонем.”
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)