Русский  >>  فارسی  >>  Якшанбе 4 декабр 2016, 06:55

Ҳасани Рӯҳонӣ, номзади ислоҳталаб -- раисҷумҳури нави Эрон

16 июн 2013, 08:53

Тибқи омори Вазири умури дохилии Эрон аз маҷмӯи 50 миллиону 438 ҳазору 192 нафар дорандаи ҳаққи раъй дар Эрон, 36 миллиону 704 ҳазору 156 нафар дар интихоботи раёсати ҷумҳури ин кишвар, ки рӯзи 14-уми июн баргузор шуд, раъй додаанд.

Бино ба натиҷаи ниҳоии шумориши оро (овозҳо), Ҳасани Рӯҳонӣ, номзади ислоҳталаб, бо касби беш аз 18 миллиону 613 ҳазор овоз пирӯзи ёздаҳумин интихоботи раёсати ҷумҳури Эрон шуд. Баъд аз оқои Рӯҳонӣ, Муҳаммадбоқири Қолибоф, шаҳрдори Теҳрон, бо касби 6 миллион раъй нафари дувум ва Саиди Ҷалилӣ бо касби 4 миллион раъй нафари севум шудааст.

Муҳсини Ризоӣ 3 миллион, Алиакбраи Вилоятӣ 2 миллион ва Муҳаммади Ғаразӣ 446 ҳазор раъй касб кардаанд.

Раисиҷумҳури Эрон барои муддати чаҳор сол дар як интихоботи миллӣ интихоб мешавад. Маҳмуди Аҳмадинажод, ки то кунун раёсати ҷумҳури Эронро бар уҳда дошт, ду бор чаҳорсолӣ ин курсиро соҳибӣ кардааст.

Маълумот дар бораи Ҳасани Рӯҳонӣ:

Ҳасани Рӯҳонӣ 12-уми ноябри 1948 дар вилояти Симнони Эрон таваллуд шуда, аз 13-солагӣ вориди ҳавзаи илмии Қум шудааст. Баъдан ӯ дар донишгоҳи Теҳрон ва Бритониё дар риштаи ҳуқуқ таҳсил мекунад. Рӯҳонӣ дар даврони ҷанги Эрону Ироқ ба яке аз фармондеҳони ҷанг табдил шуд. Раисҷумҳури нави Эрон аз соли 1999 то кунун яке аз аъзои Маҷлиси хубрагони раҳбарӣ буда, аз 12 сол пеш раёсати комиссияи сиёсиву иҷтимоӣ ва аз соли 2005 раёсати дабирхонаи ин маҷлисро бар ӯҳда доштааст. Рӯҳонӣ дар даврони Хотамӣ низ дабири шӯрои амнияти миллӣ ва мушовири раисиҷумҳур буд ва аз соли 2002 то 2004 раҳбари тими музокиракунандаи ҷумҳурии исломии Эрон буд. Дар маҷмуъ Ҳасани Руҳонӣ 5 давра вакили парлумон, 16 сол дабири шӯрои олии амнияти миллӣ ва 2 сол раҳбари музокироти ҳастаӣ будааст.





Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Таракиёти давлат бо риш ва салла ва бо никоб пеш мерафтаст ку яъни Эрон. Ё ин, ки мо нав дунёи фахшро ёфтаем???.
Посух додан
  • точик

  • 17 июн 2013 08:54
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Огои мухтарам, табрикатон бошад. Меган, ки дар Эрон демократия нест, хато мекунанд. Дар Эрони Бузург демократия дар сатхи оли тантана дорад. Мисоли барчаста-интихоботи Президент

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!