Русский  >>  فارسی  >>  Сешанбе 6 декабр 2016, 10:44

Мусодираи 500 кило мухаддир дар ним сол ва 2-кило ҳероин дар рӯзи 14-уми июл

15 июл 2011, 11:43

Дар ҳудуди ҶС “Ширин”-и шаҳри Душанбе кормандони раёсати сайёри оперативии агентии назорати маводи нашъаовар  мардеро ба гумони ширкат дар муомилоти ғайриқонунии мухаддирот боздошт намуданд.


Тавре аз агентии мазкур ба “Озодагон”хабар доданд,  дар ҷараёни кофтукови шахсӣ аз ӯ як халтаи дорои ду бастаи пур аз ҳероин кашф ва мусодира гардид. Боздоштшуда сокини 30-солаи ноҳияи Қумсангир буда, ҳероини аз ӯ забтшуда наздик ба 2 килоро ташкил медод.    
Манбаъ мегӯяд, аз нишондодҳои аввалини ин шахс муайян шуд, ки боздоштшуда аз ин пештар дар яке аз бозорҳои шаҳри Душанбе машғули тиҷорати меваву сабзавот будааст. Шиносоӣ бо як шаҳрванди ҷумҳурии Исломии Афғонистон, ки дар ҳамин бозор мева мефурӯхт, мароми зиндагии ӯро тағйир дод. Мавсуф ба ӯ пешниҳод намуд, ки тиҷорати меваву сабзавоти камдаромадро ба тиҷорати маводи нашъадор, ки  ҳам фоида ва ҳам ташвиши камтар дорад, иваз намояд. Баъди як андешаи басо кӯтоҳ ба пешниҳоди марди афғонӣ розӣ шуд ва як миқдор героинро аз ӯ харидорӣ кард. Сипас, бо мақсади ёфтани харидор аввал бидуни бор озими Русия шуд. Баъди пайдо кардани як харидори серпул дубора ба ватан баргашт. Ният дошт онро аз пинҳонгоҳ берун орад ва рӯзи 14 июл бозпас ба Федератсияи Русия парвоз кунад.      
Ҳоло чорабиниҳои иловагии фаврӣ гузаронида мешаванд, то шахсони дигари алоқаманд ба ин амал низ ошкор ва боздошт шаванд.  Марди дастгиршуда дар боздоштгоҳи муваққатии агентӣ нигаҳдорӣ мешавад ва шӯъбаи тафтишотии агентӣ тибқи моддаи 200, қисми 4 КҶ ҶТ парвандаи ҷиноятӣ оғоз намудааст.  
Маврид ба ёдоварист, тайи 6- моҳи соли равон кормандони агентии мазкур аз муомилоти ғайриқонунӣ бештар аз 500 кило маводи мухаддир забт намуданд, ки ин 40%  бештар аз ҳамин давраи соли гузашта мебошад.{jathumbnail off}


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!