Русский  >>  فارسی  >>  Душанбе 5 декабр 2016, 21:31

Қирғизистон, Туркия ва Тайланд ҷои хатарзо барои сайёҳони қазоқ

18 июн 2013, 11:40

Қирғизистон, Туркия ва Тайландро хатарбортарин фароғатгоҳ барои сайёҳони қазоқ гуфтаанд.

Сомонаи «Корвон»-и Қазоқистон дар пайи назарпурсии ширкатҳои туристӣ ҷойҳои хатарбор барои ҷаҳонгардони ин кишварро муайян ва ҷои сеюмро ба Исиқкӯли Қирғизистон додаст.

"Бештари туристҳо ба Исиқкӯл мустақилона мераванд ва дар хонаҳо ҷой мегиранд. Ғизоҳоеро мехӯранд, ки соҳибхона омода кардааст. Зиёд мешавад, ки аз ин ғизоҳо заҳролуд мешаванд. Ҳамчунин, сайёҳони қазоқ дар соҳили Исиқкӯл лат бардошта, баъзан устухонҳои аъзои баданашон мешиканад, пусташон дар офтоб месӯзад ва бар асари низоъҳои мухталиф маҷрӯҳ мешаванд»,-гуфтааст Татяна Тимошенко, менеҷер оид ба туризм.

Тайландро сомона дар зинаи дуюм ҷой додаст. "Ин ҷо аз ҳама зиёд ҳолатҳои заҳролудшавӣ аз ғизо мушоҳида мешавад. Одамон намефаҳманд, ки меъдаи онҳо ба чунин хӯрокҳо омода нест. Ҳамчунин сайёҳони қазоқ бо нушокиҳои алкоголии Тайланд мушкил доранд. Ҳар гуна ҷароҳату лат хӯрданҳо низ як чизи маъмулӣ аст»,-гуфтааст Асел Аденова, менеҷер оид ба суғурта

Аммо дар мақоми аввал Туркияро навиштаанд. "Аз рӯйи шумораи ҳолатҳои бардоштани ҷароҳат ва дигар ҳолатҳои пешгӯинашаванда, ки истироҳатро барҳам мезанад, ин кишвар пешсаф аст. Сабаби зиёд будани чунин ҳолатҳо ҳам ба зиёд будани теъдоди сайёҳон ба Туркия марбут аст»,-афзудааст Асел Аденова.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Декабр 2016    »
ДушСешЧорПанҶумШанЯкш
 1234
567891011
12131415161718
19202122232425
262728293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!