Русский  >>  فارسی  >>  Ҷумъа 9 декабр 2016, 10:41

Манъи намозгузории беш аз 200 зан дар Оббурдони Масчо

20 июн 2013, 13:34

Масъулони Ҳизби наҳзати исломӣ (ҲНИТ) дар Масчо бо ирсоли як нома аз додситонии ин ноҳия хостаанд, ба 250 зани деҳаи Оббурдон иҷоза бидиҳад, то намози ҷумъаро дар масҷид бигузоранд.

Илҳом Беков, масъули ҲНИТ дар Масчо, рӯзи 20-уми июн ба “Озодагон” гуфт, дар ҳоле ки мақомот аз ҳаққи баробари зану мард сӯҳбат мекунанд, набояд монеи намозгузории онҳо дар масҷид бишаванд.

Ба қавли ӯ, то як ҳафтаи пеш дар рустои Оббурдони ноҳияи Масчо ҳудуди 250 зан намози ҷумъаро якҷоя мехонданд. “Аммо ҳафтаи гузашта Саидҳомид Ниёзов, имохатиби масҷид, онҳоро огоҳ кардааст, ки дигар ба масҷид наоянд. Ӯ гуфтааст, мо гап мешунавем ва бояд намозгузориро бас кунед”,-гуфт ӯ.

Илҳом Беков афзуд, дар масҷиди деҳа ҷои намозгузории занонро бо кашидани пардае ҷудо карда буданд, “вале бо супориши Ниёзов пардаро кандаанд, то занҳо дигар намоз гузошта натавонанд.”

“Мегӯянд, ҳуқуқи зану мард баробар аст, аммо инро эҳсос намекунем. Ба додситонӣ муроҷиат кардем, то ин кор дар чорчӯбаи қонун ҳалли худро ёбад. Такяи мардум ба қонун аст ва умед доранд, ин қазия ба нафъашон ҳал мешавад”,-афзуд Илҳом Беков.

Намозгузории занон дар масҷидҳои Тоҷикистон чанд соли қабл бо раъйи аксари аъзои Шӯрои уламои Маркази исломӣ манъ шудааст. Ин фатво дар замони раҳбарии муфтии пешин Шайх Амонуллоҳи Неъматзода содир шуда ва то ҳоло пойбарҷост.


Шарҳи худро бинависед:

Ном:*
E-Mail:
Матни шарҳ:
Посух додан
  • Абдуллоҳ

  • 20 июн 2013 14:39
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Дин аз давлат ҷудо бошад, чаро қарори Шурои уламоро органҳои давлатӣ амалӣ мекунанд. Агар ҳамин қарори Шурои уламоро ба суди конститутсионӣ муроҷиат кунед, намебинанд дин аз давлат ҷудо мегуянд. Кани Оиниҳол Бобоназарова, Файзиниссо Воҳидова Шумо қонундонҳо инро як санҷида бинед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
хукумати Точикистони бузурги мо аз занхо метарсад чи?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
МАШАЛЛАХ,. Худоё дуо мекунем ки ба мо шароитеро мухайё кун то дасти фарзанду хамсарамонро гирифта ба масчид равем, ва барои ин амал монеъае набошад. Омииин
Посух додан
  • Said

  • 21 июн 2013 00:32
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ин давлати мо аз мусалмон гуфтани шахс метарсад чи зан бошаду чи мард,чи пер бошаду чи ҷавон.мақсадаш фақат 1-то мубориза бар зидди Дин аммо бе хабаранд,ки Аллоҳ ваъдаи ҳифозати динашро 1400-сол пеш дода аст,аз инҳо тавонмандтарҳо натавонистан ин динро нест кунанд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом! Аввалан миннатдории хешро баён месозам ба кулли созмондихандагону коргарони ин хабаргузори.Бехтарин сомона. Пайваста хар лахзаву соат ман дар ин сомона хабархои навро мехонам Ман ин маколаро хондам,ба мавзуяш кордор нестам.Аммо шумо ба чои МАСТЧОХ, "МАСЧО"РО истифода бурдаед. Шакли дурусташ хамон калимаи аввали, яъне МАСТЧОХ мебошад.Хамин хатогиро ислох мекардед,хуб мешуд.Боки,Саломат бошед ва муваффакият ба хамаатон.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!