Русский  >>  فارسی  >>  Панҷшанбе 8 декабр 2016, 05:06

Шокирҷон Ҳакимов: "Вақташ аст, асрори замони Сталин ошкор шавад"

21 июн 2013, 16:01

«То ҳол дар Тоҷикистон хабарнигорону муҳаққиқон ба аснод ё ҳуҷҷатҳои сиррии замони сталинӣ дастрасӣ надоранд».

Ин нуктаро Шокирҷон Ҳакимов, доктори улуми ҳуқуқ, дар як мизи гирд дар Душанбе баён дошта, афзуд, вақти он расидааст, ки бояд ин аснод ошкор ва асрори ниҳони ҳаводиси қарни гузашта рӯи об барояд. Ин мизи гирд рӯзи 21-уми июн бо ҳимояти Бунёди Конрад Арденауэри Олмон ва Анҷумани миллии расонаҳои мустақили Тоҷикистон баргузор гардид.

Шокирҷон Ҳакимов гуфт, аз замони фурӯпошии Шӯравӣ ва мустақилияти Тоҷикистон наздики 22 сол мегузарад ва набояд ҳуҷҷатҳои сиррии асри гузашта мояи нигаронӣ бошад. Дар ҳоле ки ба қавли ӯ, «маводи бойгонии КГБ ё дигар мақомоти амниятӣ, ки дар замони ҳукмронии Сталин дар Русия махфӣ нигоҳ дошта мешуданд, ошкор ва пешкаши ҷомеа мешавад. Олимону муҳаққиқон метавонанд ин аснодро таҳқиқ карда, дар бораи ҳодисаҳои солҳои Шӯравии пешин, аз он ҷумла даврони ҳукуматдории Сталин ҳам хулоса бароранд.»

Ин дар ҳолест, ки аксари сокинони Тоҷикистон аз солҳои 1930-и қарни гузашта, ки бештар бо номи “репрессияи сталинӣ” маъруф аст, хотирооти чандон хуше надоранд. Чаро ки дар пайи репрессияи солҳои 30-юми асри гузашта дар Тоҷикистон ҳазорҳо нафар кушта ва зиндонӣ шудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шокирҷон Ҳакимов масъаларо дуруст гузоштааст. Мо бояд донем, ки падарҳоямонро кадом рафиқ ё ҳамсоя фурӯхтааст ва, оё ин кор ҳануз ҳам давом дорад ё не?
Воқеан, пас аз ҳамроҳ шудани ду Олмон, архивҳои вазорати бехатарии Олмони демократиро (ГДР) ғарбиён кушоданд. Дар ин бора китобҳо чоп шуд ва филмҳо сохта шуданд. Ҳатто маълум шудки, шахсоне, ки дӯсти худро дӯсти ҷонӣ мешумурданд, он "дӯст" аз рӯи ӯ ё онҳо солҳои тӯлонӣ ба ШТАЗИ ( Вазорати бехатарии ГДР) маълумот медодааст. Шояд инҷо ҳам ҳамин хел бошад??? Аминам, ки ҳамин хел буд ва ҳаст!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, кӯчаи Мирзо Турсунзода-45; ҳуҷраи 408

Телефон: (+992) 50 20 777 88; (44) 600 10 60; (37) 881 07 09

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!